Mariah Carey arashinjwa kwambara ubusa mu maso y’umugabo wamurindaga

Yanditswe na IGIHE
Kuya 9 Ugushyingo 2017 saa 11:22
Yasuwe :
0 0

Umuririmbyi Mariah Carey yashyizwe mu majwi n’umwe mu bagabo bahoze bamucungira umutekano amushinja ko yamukoreye ihohotera rishingiye ku gitsina mu bihe bitandukanye.

TMZ yatangaje ko umugabo wareze Carey yitwa Michael Anello yamaze kuvugana n’abamwunganira mu mategeko ndetse bategura ikirego kigomba kuzashyikirizwa inkiko. Muri iki kirego hakubiyemo ingingo zishinja ibyaha bitandukanye uyu muhanzi.

Michael Anello yavuze ko yakoreye Mariah Carey mu gihe kigera ku myaka itatu guhera muri Kamena 2015 kugeza muri Gicurasi 2017. Yavuze ko mu gihe cyose yamaze acunga umutekano w’uyu muhanzi ngo yamukoreye ihohotera rishingiye ku gitsina inshuro nyinshi arenzaho kumwambura amafaranga yakoreye.

Anello yashimangiye ko nyirabuja yakoraga uko ashoboye ‘akambara ubusa cyangwa utwenda tugaragaza ibice by’ibanga’ ku buryo uyu mugabo na bagenzi be bagombaga kubona ubwambure bwe.

Michael Anello yatanze urugero ubwo bigeze gukorera urugendo ahitwa Cabo San Lucas muri Mexico hanyuma Mariah Carey amutegeka kwinjira mu cyumba gufata imizigo undi akigeramo asanga uyu mugore yambaye agakanzu kabonerana kandi gafunguye ibifungo byose ku buryo yamubonye ubwambure.

Icyo gihe Anello ngo yashatse gusubira hanze ariko Mariah Careh amutegeka ko agomba kuhaguma akahava ajyanye imizigo. Uyu muhagabo yasobanuye ko mu gihe yamaranye na Mariah Carey mu cyumba ngo ntibigeze begerana.

Mariah Carey ngo yiyambikaga ubusa imbere y'umugabo wari ushinzwe umutekano we

Mu kirego cye kandi, Anello avuga ko hari amadolari $221,329.51 Mariah Carey yagombaga kumuhemba ariko arayamwambura hakiyongeraho umushahara wa $511,000 yagombaga guhabwa atari mu kazi mu gihe cy’imyaka ibiri.

Mariah Carey kandi ngo yatoteje kenshi Annello amwita umu-Nazi, ndetse ngo hari n’igihe yamubwiraga ko asa n’abantu bahoze bagize agatsiko ka KKK[Ku Klux Klan] karwanyaga abirabura muri Leta Zunze Ubumwe za Amerika.

Michael Anello na Mariah Carey ubwo bari kumwe i Londres bajya kuri Landmark Hotel kuwa 13 Mutarama 2017

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza