Vanessa Mdee wari ufungiwe gucuruza ibiyobyabwenge yarekuwe by’agateganyo

Yanditswe na IGIHE
Kuya 14 Werurwe 2017 saa 08:39
Yasuwe :
0 0

Umuhanzi ukomeye muri Afurika y’Uburasirazuba Vanessa Mdee yavuye mu buroko nyuma y’iminsi igera kuri ine acumbikiwe na Polisi yo muri Tanzania aho akurikiranyweho ibyaha birimo gucuruza no gukwirakwiza ibiyobyabwenge.

Polisi yo mu Mujyi wa Dar es Salaam yataye muri yombi Vanessa Mdee[wamamaye nka Vee Money] kuwa 8 Werurwe 2017, mu itangazo ryagiye hanze agifatwa byatangajwe ko agaragara ku rutonde rw’abashakishwa n’inzego zishinzwe umutekano bacuruza ibiyobyabwenge, by’umwihariko we akekwaho no kubikoresha.

Bongo5 yatangaje ko Vanessa Mdee yaraye afunguwe by’agateganyo gusa ngo azakomeza gukurikiranwa no kwitaba ubutabera ari hanze. Uyu muhanzi ngo yanamaze gushaka umwunganira mu mategeko witwa Peter Kibatala waburanye nyinshi mu manza zikomeye muri Tanzania.

Mu kwezi gushize Umuyobozi w’Intara ya Dar es Salaam, Paul Makonda yatangaje urutonde rurerure rw’abantu bacuruza ibiyobyabwenge muri Tanzania, mu bo yavuze harimo ibyamamare nka Dogo Hamidu, Diamond Platnumz, Khalid Mohamed (TID), umunyamakuru uzwi cyane ukorera Clouds TV Babuu wa Kitaa, Halidali Kavila, Amani, Kashozi Miss Wema Sepetu wanafunzwe ariko aza kurekurwa n’Umucuruzi ukomeye Omry Sanga.

Umuririmbyi Diamond Platnumz ari mu bahanzi bashakishwa ndetse bivugwa ko ashobora gufungwa bidatinze, hari amakuru acaracara muri Tanzania yemeza ko uyu mugabo wa Zari yamaze gushyikirizwa impapuro zimuhamagaza mu nzego zishinzwe iperereza gusa ntaritaba.

Uyu mukobwa yafunzwe akekwaho gucuruza ibiyobyabwenge

Vanessa Mdee yagiye yegukana ibihembo umunani bikomeye muri muzika, zimwe mu ndirimbo ze zabimuhesheje harimo ‘Me and You’ yakoranye na Ommy Dimpoz, ‘Closer’, ndetse na ‘Hawajui’.

Juu, indirimbo Vanessa Mdee aherutse gukorana n’umukunzi we


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza