Weasel arashinjwa kongera gushora Jackie Chandiru mu biyobyabwenge

Yanditswe na Dusabimana Aimable
Kuya 3 Werurwe 2017 saa 08:37
Yasuwe :
0 0

Inshuti n’abo mu muryango w’umuririmbyi Jackie Chandiru barashinja Weasel wo mu itsinda rya Goodlyfe kongera kumushora mu biyobyabwenge nyuma y’aho yongeye kugaragaza imyitwarire nk’iy’ababaswe na byo.

Jackie Chandiru yamenyeka yamenyekanye cyane mu Rwanda mu ndirimbo ’Take It Off’ yakoranye n’itsinda rya Urban Boyz, yakanyujijeho muri Uganda akiri mu itsinda rya Blue 3 aho yaririmbanaga na Cindy ndetse na Lilian Mbabazi.

Mu ntangiriro za 2016 nibwo byatangiye kuvugwa ko uyu muririmbyi arembye, icyo gihe muri Gashyantare yasanzwe mu nzu ye ahitwa Busaka akomerewe ajyanwa kwa muganga igitaraganya. Abaganga bo muri Mulago Hospital basanze yararenzwe n’ibiyobyabwenge bamwohereza muri Bunamwaya Rehab Center.

Umuvandimwe wa Jackie Chandiru witwa Cynthia yabwiye itangazamakuru ko uyu muririmbyi yongeye gutera abo mu muryango we impungenge nyuma y’aho abagize itsinda rya Goodlyfe bongeye kumwakira nk’inshuti, Weasel arashinjwa kumusubiza mu biyobyabwenge.

Uyu muvandimwe we wahoze ari n’umujyanama we mu muziki yabwiye iki kinyamakuru ko uyu muririmbyi ashobora kuba yarongeye kubatwa n’ibiyobyabwenge abishowemo na Weasel wo muri Goodlyfe, yanavuze ko Jackie Chandiru aherutse gusangwa ku muhanda w’ahitwa Ntinda mu agenda yambaye ibirenge.

Weasel wo muri Good Life arashinjwa gushora Chandiru mu biyobyabwenge

Umujyanama wa Radio & Weasel witwa Chagga niwe wari umaze iminsi amukurikiranira hafi mu bikorwa bijyanye n’umuziki, uyu na we batandukanye amushinja ko yarigishije amafaranga bari bishyuwe ngo aririmbe mu gitaramo yari yatumiwemo bikarangira abuze kugeza gisubiswe.

Jackie Chandiru bivugwa ko yongeye kubatwa n’ibiyobyabwenge, mbere y’uko ahura n’ibi bibazo, yaririmbye zimwe mu ndirimbo zakunzwe nk’iyitwa ’Gold Digger’, ’Take It Off’ yakoranye na Urban Boyz, ’Agasi’ yamuhesheje ibihembo bitandukanye n’izindi.

Ibiyobyabwenge byari bivukije Chandiru ubuzima
Jackie Chandiru kera atacibwa intege n'ibiyobyabwenge yari afite ingufu
Weasel ushinjwa kujyana Jackie Chandiru mu biyobyabwenge

Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza