Wizkid yambuwe igihembo cya MTV EMA gishyikirizwa Ali Kiba

Yanditswe na Munyengabe Murungi Sabin
Kuya 10 Ugushyingo 2016 saa 09:14
Yasuwe :
0 0

Mu birori byo gutanga ibihembo bikomeye bya MTV Europe Music Awards (MTV EMAs) habaye ukwibeshya gukomeye hatangazwa ko Umunya-Nigeria Wizkid yabaye umuhanzi uhiga abandi muri Afurika nyamara atari we watsinze.

Ibihembo bya MTV Europe Music Awards byatangiwe ahitwa Ahoy Rotterdam mu Mujyi wa Rotterdam mu Buholandi kuri iki Cyumweru tariki ya 6 Ugushyingo 2016.

Ni ibirori byari biyobowe na Bebe Rexha, byacaga kuri Televiziyo mpuzamahanga binakurikiwe na miliyoni zitabarika ku Isi binyuze ku mbuga nkoranyambaga.

Nk’uko Bongo5 yabitangaje, muri ibi birori habaye agashya katazibagirana kuko ngo Wizkid yatangajwe ko yegukanye igihembo cya ‘Best African Act’ nyamara ari icya Ali Kiba wo muri Tanzania.

Ubuyobozi bwa MTV Europe Music Awards bwamaze kumenyesha Ali Kiba ko bwakoze isuzuma busanga igihembo cyahawe Wizkid cyaratanzwe habayemo kwibeshya bityo ko agomba kucyohereza muri Tanzania kigahabwa uwagitsindiye.

Ali Kiba yemeje ko ategereje iki gihembo ndetse ngo nibwo azavuga birambuye kuri iki kibazo kuko nta byinshi aramenya. Yagize ati “Ubu nibwo bampaye amakuru babyemeza ko kigomba koherezwa muri Tanzania.”

Yongeyeho ati “Ubu nta bintu byinshi navuga, nzategereza kugeza igihe nzamenyera amakuru arambuye.”

Ali Kiba yavuze ko inkuru y’uko igihembo cya ‘International African Act’ ari we wagitsindiye yayakiriye neza ndetse yashimiye abafana bakomeje kohereza ubutumwa mu buyobozi butegura ibi bihembo kuko ngo ari bo batumye habaho gukora ubucukumbuzi.

Wizkid ubu wibasiwe cyane n’abafana ba Ali Kiba yamaze guhanagura amafoto n’amagambo yose yari yashyize kuri Instagram agaragaza ko yishimiye ibihembo yahawe muri MTV EMA gusa nta kintu aravuga ku mwanzuro wafashwe n’abategura ibi bihembo.

Iki gihembo cyari gihanganiwe n’abahanzi batanu muri Afurika Ali Kiba (Tanzania), Black Coffee (Afurika y’Epfo), Cassper Nyovest (Afurika y’Epfo),Olamide (Nigeria) na Wizkid (Nigeria).

Uyu muhanzi wiyita ‘Star Boy’ ni we wari watangajwe ko yatsinze mu cyiciro cya Best African Act gusa byamenyekanye ko habayeho ukwibeshya. Wizkid yatwaye ikindi gihembo gikomeye cya Worldwide Act.

Wizkid afite ikindi gihembo cya Best Worldwide Act
Ali Kiba wo muri Tanzania ni we wari watsindiye igihembo cyahawe Wizkid

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244