Kwamamaza

Wizkid yigaranzuye abahanzi ba Afurika muri MTV Europe Music Awards

Yanditswe kuya 7-11-2016 saa 09:06' na Munyengabe Murungi Sabin


Umuririmbyi Wizkid yongeye gukora amateka akomeye aba umuhanzi w’umwaka muri Afurika mu bihembo mpuzamahanga bya MTV Europe Music Awards (MTV EMAs) byaraye bitangiwe mu Mujyi wa Rotterdam kuwa 6 Ugushyingo 2016.

Wizkid yari amaze iminsi mike abaye umuhanzi uhiga abandi kuri uyu mugabane mu bihembo bya MTV Africa Music Awads, yatwaye ibihembo bitatu birimo icy’umuhanzi w’umwaka[Artist of the Year ], umuhanzi wahize abandi mu bagabo[Best Male] n’igihembo cy’indirimbo ihuriweho n’abahanzi batandukanye mu yo yakoranye na DJ na DJ Buckz bise “Soweto Baby”.

Ibihembo bya MTV Europe Music Awards byatangiwe ahitwa Ahoy Rotterdam mu Mujyi wa Rotterdam mu Buholandi kuri iki Cyumweru tariki ya 6 Ugushyingo 2016.

Afurika yari ihagarariwe n’abahanzi batanu Ali Kiba (Tanzania), Black Coffee (Afurika y’Epfo), Cassper Nyovest (Afurika y’Epfo),Olamide (Nigeria) na Wizkid (Nigeria).

Uyu muhanzi wiyita ‘Star Boy’ ni we watsinze mu cyiciro cya Best African Act, Wizkdi kandi yatwaye igihembo gikomeye cya Worldwide Act.

Wizkid ntiyitabiriye ibirori ariko yohereje video ashimira abafana aho yagize ati “Ndashaka gushimira byimazeyo abafana banjye, umuryango wanjye n’umuntu wese ushyigikira izina Wizkid. Imana ibahe umugisha.”

Igihembo Wizkid yatwaye umwaka ushize cyari cyahawe Diamond Platnumz gusa muri uyu mwaka uyu muhanzi wo muri Tanzania nta bihembo bikomeye yahawe nk’uko byamugendekeye mu myaka ibiri ishize.

Beyonce na Justin Bieber ni bo bari bahatanye mu byiciro byinshi kurusha abandi aho buri wese yatoranyijwe muri bitanu. Beyonce nta gihembo yatahanye mu gihe Bieber yahawe bibiri icya Best fans ndetse na Best Song [indirimbo ye Sorry yatsinze Hello ya Adele].

Wizkid afite ikindi gihembo cya Best Worldwide Act

Lady Gaga na we yatahanye ibihembo bibiri icya Best Female ndetse na Best Look. Umwongereza Adele wari mu byiciro bine nta na kimwe yabashije gutsinda.

Mu birori byo gutanga ibi bihembo bunamiye umuririmbyi Prince witabye Imana muri Mata 2016, bamusanze yapfiriye muri Ascenseur imwe mu rugo muri Minnesota.

Ibirori byitabiriwe n’ibyamamare bikomeye birimo Bebe Rexha, Winnie Harlow na Jaden Smith wamaze iminota igera kuri 20 kuri tapis itukura yifotozanya n’abafana mbere y’uko ibihembo bitangwa.

Wizkid mu gitaramo aherutse guhuriramo na Chris Brown mu Mujyi wa Mombasa

Ibihembo byatanzwe:

Best song Justin Bieber - Sorry
Best female - Lady Gaga
Best male - Shawn Mendes
Best video - The Weeknd ft Daft Punk - Starboy
Best live act - Twenty One Pilots
Best new act - Zara Larsson
Best pop act - Fifth Harmony
Best rock act - Coldplay
Best UK and Ireland act - Little Mix
Best push - DNCE
Best look - Lady Gaga
Best world stage - Martin Garrix
Best electronic - Martin Garrix
Best hip hop Act - Drake
Best fans - Justin Bieber
Global icon - Green Day
Best African Act: Wizkid


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved