Canada : Umuhanzi nyarwanda yatangiye kwigaragaza

Yanditswe na Mathias Hitimana
Kuya 28 Gashyantare 2013 saa 05:03
Yasuwe :
0 0

Umuhanzi nyarwanda, Leonce Sekamana , ufite izina ry’ubuhanzi rya "Mr SEK " utuye muri Canada mu mujyi wa Montréal, yatangiye gushyira ibihangano bye ahagaragara.
Mr SEK uvuka mu Mujyi wa Kigali, mu Karere ka Nyarugenge ariko akaba amaze igihe aba muri Canada, yatangarije IGIHE ko ari we wiyandikira indirimbo, akazishakira injyana, kandi ziri gusohoka zimeze neza, aho kujya kwishyura akayabo mu ma « studios ».
Avuga ko yakoranye na “Studio Makaives Productions”, ariko ubu akorana (...)

Umuhanzi nyarwanda, Leonce Sekamana , ufite izina ry’ubuhanzi rya "Mr SEK " utuye muri Canada mu mujyi wa Montréal, yatangiye gushyira ibihangano bye ahagaragara.

Mr SEK uvuka mu Mujyi wa Kigali, mu Karere ka Nyarugenge ariko akaba amaze igihe aba muri Canada, yatangarije IGIHE ko ari we wiyandikira indirimbo, akazishakira injyana, kandi ziri gusohoka zimeze neza, aho kujya kwishyura akayabo mu ma « studios ».

Avuga ko yakoranye na “Studio Makaives Productions”, ariko ubu akorana na “KMZ studio”, akaba ariho akorera akazi ke.

Mr SEK avuga ko ibyo akora abifashwamo no kuba ari gukurikirana amasomo mu bijyanye no gufata no gutegura amashusho y indirimbo (réalisation vidéo & Montage).

Mr Sek atarajya muri Canada, mu Rwanda yize amashuri yisumbuye muri "Lycée de kigali" no muri "Collège Saint Andre".

Mr Sek yakoze imikino ngororangingo na muzika, agakina n’ikinamico.

Mu mukino yamenyekanyemo wo koga, yabashije kugera ku rwego rw’ amarushanwa mpuzamahanga mu mikino ngororangingingo « Jeux Olympiques » za Athènes muri 2004 ahagarariye u Rwanda.

Kuva mu mwaka wa 2007 niho yahagaritse gukora imikino mpuzamahanga yo koga kubera amasezerano yari yaragiranye n’ikipe yitorezagamo yarangiye.

Muri Canada, Mr SEK avuga ko yahahuriye n’abandi bahanzi nka DeGaule, Cassa Manzi, ndetse na Frankie Joe, bakamugira inama mu byo akora muri muzika.

Uyu muhanzi avuga ko nubwo bitoroshye arimo gutegura album ye ya mbere.

Mr SEK

Ushaka kureba indirimbo nshya Mr SEK amaze gusohora : https://www.youtube.com/watch?v=5IYBNZgmXFA

Izindi zimwe muzo yahimbye mubihe bishize :

https://www.youtube.com/watch?v=q4bc8VoBUGc

https://www.youtube.com/watch?v=DaLd8VsIgLQ

https://www.youtube.com/watch?v=wh9zMxz9hqY


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza