Chris Brown yeruye atangaza ko urwo akunda Rihanna na Karrueche rungana

Mu gihe hari hashize iminsi micye avuze ko yatandukanye na Karrueche Tran kugira ngo amurinde kubabazwa n’umubano udasanzwe asigaye afitanye na Rihanna, Chris Brown yashyize ahagaragara video agaragaramo yisobanura kuri iki cyemezo yari yafashe avuga ko izi nkumi zombi, Karrueche na Rihanna, azikunda ku buryo bungana.

Muri iyo video, Chris Brown yasobanuye ko nta n’umwe muri bombi yifuza kubabaza, ko ahubwo icyo ashyize imbere ari akazi ke k’ubuhanzi ndetse, bigeza aho yerura avuga ko umutima we bombi ubiyumvamo, gusa asobora ko atagamije gukinisha aba bakobwa cyangwa gukuririza ingeso yo kujarajara.

Kuri ubu benshi bari kwibaza ibya Chris Brown, Karrueche na Rihanna biza kugarukira, cyane ko uko iminsi igenda yigira imbere, uyu musore akomeza kurushaho kugirana umubano udasanzwe na Rihanna.

Video Chris Brown yerura avuga ko akunda Rihanna na Karrueche mu buryo bungana