Gangnam Style yaciye agahigo ko kurebwa cyane kuri YouTube

Gangnam Style yaciye agahigo ko kurebwa cyane kuri YouTube


Yanditswe kuya 23-12-2012 - Saa 09:18' na IGIHE

Imbyino cyangwa se indirimbo Gangnam Style y’Umunyakoreya y’Epfo w’imyaka 34, Psy yesheje umuhigo wo kurebwa n’abantu benshi ku rubuga ruhanahanaho amashusho rwa YouTube kuko yagejeje ku nshuro 1,022,880,206 imaze kurebwa, ziranakiyongera.

Iyi ndirimbo imaze igihe gito kitageze no kugice cy’umwaka kuko yageze kuri uru rubuga ku itariki 15 Nyakanga 2012 kandi ikaba yarahise igira Psy icyamamare mpuzamahanga kuko yari azwi iwabo gusa dore ko abantu benshi bakomeye ku isi bagiye bamutumira akabigisha kuyibyina barimo na Ban Ki-moon uyobora Loni banakomoka mu gihigu kimwe.

Ban Ki-moon yakira Psy mu ngoro ya LONI i New York

Gangnam style ikuye ku mwanya wa mbere mu zarebwe cyane iya Justin Bieber yise Baby yo yarebwe inshuro 814,099,830 imaze imyaka ibiri igeze kuri uru rubuga.

Psy yabwiye MTV ati “Ntacyo nagereranya n’iyi ndirimbo! Muri 2012 nageze ku bintu byinshi ariko iyi ndirimbo yo ni iya mbere mu byo nagezeho byose. Byose byatangiriye kuri YouTube, kandi sinari nzi ko ari jye wakwesa uyu muhigo aho indirimbo yanjye yarebwa n’abarenga miliyari.”

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO