Miss w’Isi  2012 ni Umunyamerika

Miss w’Isi 2012 ni Umunyamerika


Yanditswe kuya 20-12-2012 - Saa 10:40' na Emmanuel Kanamugire

Umunyamerikakazi Olivia Culpo w’imyaka 20 ni we watorewe kuba Miss ku rwego rw’Isi mu mwaka wa 2012 ahitwa Las Vegas ho mu Burengerazuba bwa Leta Zunze Ubumwe za Amerika, bikaba ari ku nshuro ya mbere mu myaka 15, igihugu cye kigize umugore uhiga abandi mu bwiza.

Nk’uko tubikesha Le Figaro, Olivia yari ahanganye n’abandi batatu barimo Janini Tugonon ukomoka muri Philippine, Gabriela Markus wo muri Bresil na Sofia Esser ukomoka muri Venezuela. Igikorwa cyabaye kuri uyu wa gatatu.

Olivia wegukanye umwanya w’umugore mwiza ku Isi ni umunyamuziki, akunda kureba filime, gusura inzu ndangamurage, gusetsa abantu mu bitaramo nk’uko byashyizwe ahagaragara n’urubuga rwa internet Concourt miss Univers.

Igikorwa cyo guhatanira umwanya wa mbere mu buranga ubaye ku nshuro ya 61. Kuri iyi ncuro cyateguwe na Andy Cohen Umunyamerika na Giuliana Rancic Umunyamerikakazi ufite inkomoko mu Butaliyani, ukaba warabereye Hotel nini ya Planet Hollywood i Las Vegas.

Brook Mahealani Lee ni we Munyamerikakazi waherukaga kwegukana ikamba rya Miss ku rwego rw’Isi, akaba yararyambitswe mu mwaka wa 1997.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO