Rihanna yahawe imodoka ya Porsche ya Miliyoni zisaga 96

Rihanna yahawe imodoka ya Porsche ya Miliyoni zisaga 96


Yanditswe kuya 21-12-2012 - Saa 15:06' na Vénuste Kamanzi

Inzu itunganya umuzika y’umuraperi Jay-Z yitwa Roc Nation, yahaye umuhanzikazi Rihanna impano ya Noheli y’imodoka yo mu bwoko bwa Porsche 911 Turbo S. ifite agaciro k’ibihumbi 160,000 by’amadolari, abarirwa muri miliyoni zisaga 96 uyashyize mu manyarwanda.

Akimara kuyihabwa, abinyujije kuri Twitter Rihanna yashimiye ubuyobozi bwa Roc Nation ku bw’iyo modoka ubu iri mu modoka zigezweho ndetse abagereranya n’abavandimwe.

Ubwoko bw'imodoka yahawe Rihanna

Rihanna afata Jay-Z nk’umubyeyi we, dore ko ari na we wamureze akanagira uruhare mu kumuzamura no kumumenyekanisha ku isi yose.

N’ubwo bivugwa ko ari Roc Nation yahaye Rihanna iyi modoka y’agaciro ko hejuru, abagenda bavuga kuri iyi nkuru aho yanditse ku mbuga za ‘internet’ zitandukanye bo baravuga ko ari nk’aho ari Jay-Z wayitanze ku giti cye.

Ibi bikaba byaba bidasanzwe kuba Jay-Z yaba ahaye impano ya Noheli Rihanna, kuko nyamara atarayiha umugore we Beyonce.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO