Abahanzi 7 b’Abarundi mu gitaramo i Kigali

Yanditswe na Dean Irak
Kuya 1 Ugushyingo 2012 saa 10:36
Yasuwe :
0 0

Sat-B, R-Flow, Chanella, Elvis, Bamso, T-Max na Mr Happy bari mu bahanzi bagezweho mu Burundi basesekaye i Kigali mu Rwanda kuri uyu wa Kane tariki ya 1 Ugushyingo 2012.
Baje mu gitaramo cyitwa “Boda to Boda” bateganya gukorera muri Relax Restaurant & Bar akabari kari mu nyubako y’isoko rishya ryo mu mujyi wa Kigali kuri uyu wa Gatanu tariki ya 2 Ugushyingo 2012 guhera saa kumi n’ebyiri z’umugoroba (18h00’).
Aganira na IGIHE, Sat-B, umwe muri aba bahanzi yavuze ko bishimiye uko bakiriwe mu (...)

Sat-B, R-Flow, Chanella, Elvis, Bamso, T-Max na Mr Happy bari mu bahanzi bagezweho mu Burundi basesekaye i Kigali mu Rwanda kuri uyu wa Kane tariki ya 1 Ugushyingo 2012.

Baje mu gitaramo cyitwa “Boda to Boda” bateganya gukorera muri Relax Restaurant & Bar akabari kari mu nyubako y’isoko rishya ryo mu mujyi wa Kigali kuri uyu wa Gatanu tariki ya 2 Ugushyingo 2012 guhera saa kumi n’ebyiri z’umugoroba (18h00’).

Aganira na IGIHE, Sat-B, umwe muri aba bahanzi yavuze ko bishimiye uko bakiriwe mu Rwanda.

Yagize ati “Tubazaniye imiziki yacu ngo tubasangize ubumenyi dufite mu muziki wacu wo mu Burundi nabo tubarahureho ubwenge. Twiteze ko abafana tuzabereka igitaramo cyiza kandi kiryoshye.”

Abanyarwanda bazaba bari muri iki gitaramo ni Fireman, Elione Victory, Mico, Queen Cha na Jack-B.

Barakamfitiye Madawa, wateguye iki gitaramo akaba n’umuhuzabikorwa wacyo, aganira na IGIHE yavuze ko iki gitaramo yagiteguye mu rwego rwo kwagura ubuhahirane hagati y’ibihugu byombi mu bijyanye n’ubuhanzi.

Avuga ariko ko yifuza ko byahoraho, ari yo mpamvu mu byumweru bibiri ateganya ko abahanzi nyarwanda bari muri iki gitaramo na bo bazajya mu Burundi kwishyura bagenzi babo.

Yagize ati “Iki gitaramo nagiteguye mu rwego rwo kubaka umubano mwiza hagati y’u Rwanda n’u Burundi no gushyiraho ubuhahirane hagati yacu twembi. ”

Barakamfitiye akomeza avuga ko muri iki gitaramo yanatumiyemo umuhanzi wo mu gihugu cy’u Bugande ari we Nico PM.

Sat-B uri muri aba bahanzi barindwi b'i Burundi bageze i Kigali

Ushaka kumenya amakuru menshi kuri iki gitaramo, soma iyi nkuru yabanje ukanda HANO


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza