COGEBANQUE ikomeje imbaduko mu gushyigikira imyidagaduro mu Rwanda

Yanditswe na

Murungi Munyengabe Sabin

Kuya 26 Nzeri 2014 saa 07:17
Yasuwe :
0 0

COGEBANQUE imaze kujya ku isonga mu zindi banki z’ubucuruzi, kubera uburyo ihora ihanga udushya mu kunoza serivisi igeza ku Banyarwanda ngo nabo babashe kugendera ku muvuduko w’iterambere u Rwanda ruriho.
Uretse serivisi isanzwe itanga mu kuzigamira no gufata neza umutungo w’Abanyarwanda mu buryo bwunguka, COGEBANQUE ni kimwe mu bigo biza ku isonga mu gutera inkunga imyidagaduro n’iterambere ry’Umuco Nyarwanda ndetse ikaba ikomeje kugaragaza ubushake n’ubushobozi mu kubizamura no kubiteza (...)

COGEBANQUE imaze kujya ku isonga mu zindi banki z’ubucuruzi, kubera uburyo ihora ihanga udushya mu kunoza serivisi igeza ku Banyarwanda ngo nabo babashe kugendera ku muvuduko w’iterambere u Rwanda ruriho.

Uretse serivisi isanzwe itanga mu kuzigamira no gufata neza umutungo w’Abanyarwanda mu buryo bwunguka, COGEBANQUE ni kimwe mu bigo biza ku isonga mu gutera inkunga imyidagaduro n’iterambere ry’Umuco Nyarwanda ndetse ikaba ikomeje kugaragaza ubushake n’ubushobozi mu kubizamura no kubiteza imbere.

COGEBANQUE mu bigo 10 bya mbere bitera inkunga imyidagaduro mu Rwanda

Ku rutonde rw’ibigo 10 bya mbere biza ku isonga mu guteza imbere imyidagaduro mu Rwanda, COGEBANQUE yaje mu myanya ya mbere. Muri ubu bucukumbuzi bwakozwe na IGIHE, byagaragaye ko iyi banki ari imwe mu bigo bifite intego yo gushyigikira imyidagaduro banakangurira cyane cyane urubyiruko kugira umuco wo kwizigamira.

COGEBANQUE ni umuterankunga w'imena wa Tour du Rwanda

COGEBANQUE kandi imaze iminsi igira uruhare mu gushyigikira ibintu bitandukanye birebana n’imikino n’imyidagaduro harimo n’isiganwa ry’amagare rizwi nka ‘Tour du Rwanda’. Mu myaka itatu COGEBANQUE imaze itera inkunga iri siganwa ry’amagare, yagaragaje ko ifite imbaduko n’ubushake bwo guteza imbere umukino w’amagare.

Muri muzika, hari ibikorwa byinshi COGEBANQUE imaze gutera inkunga birimo itegurwa rya Salax Awards, Miss Rwanda, ibitaramo bya Knowless, Mico The Best, Bruce Melody n’abandi. Iyi banki kandi itera inkunga n’ abandi bahanzi ku giti cyabo, cyane cyane igihe bafite ibitaramo n’ibindi bikorwa bigamije iterambere rya muzika.

COGEBANQUE, umuterankunga w’imena wa Salax Awards 6 na Miss Rwanda 2014
COGEBANQUE ni yo yari umuterankunga mukuru mu itangwa ry’ibihembo bihabwa abahanzi bahize abandi bya Salax Awards ku nshuro yabyo ya 6. Magingo aya, iyi banki iri kwigaragaza mu bigo by’ubucuruzi biza imbere y’ibindi mu gufasha ibikorwa by’imyidagaduro. Mu byiciro 13 byatsindiwe muri Salax Awards 6, buri muhanzi yageneye na COGEBANQUE amafaranga y’u Rwanda ibihumbi 500.

Theonestine Mukabanana, ushinzwe iyamamazabikorwa muri COGEBANQUE yatangarije IGIHE ko batanze aya mafaranga ku begukanye ibihembo mu rwego rwo guteza imbere umuco.

Ati “Twashatse guhemba abahanzi dushaka guteza imbere umuco, umuziki ni kimwe mu ngeri z’umuco. Ni ugushyigikira umuco nyarwanda ngo abantu bakunde ibyo bakora kandi babone ko igihugu cyabo kibabereye hamwe n’ibyo bakora […] iyo uhembye umuhanzi akiteza imbere uba uteje imbere umuco, biba bimuhaye icyo aheraho yagura ubuhanzi bwe.”

COGEBANQUE muri Salax 2013 yari umuterankunga mukuru.

Mu itorwa rya Miss Rwanda 2014, COGEBANQUE yari umuterankunga w’imena ndetse ikaba yaranabyitwayemo neza ku buryo budashidikanywaho. Uwavuga ko ibirori cyangwa ibitaramo bitegurwa COGEBANQUE ntibitere inkunga ari bike cyane.

COGEBANQUE yagize uruhare rukomeye mu migendekere myiza ya Miss Rwanda

COGEBANQUE mu gukangurira urubyiruko kuzigama

Ku Cyumweru tariki 21 Nzeri 2014, ubwo hasozwaga ihuriro ry’urubyiruko Gaturika ku bufatanye na Kiliziya Gaturika, COGEBANQUE yahembye amakipe yabaye aya mbere mu mikino yajyanye n’ibi birori. Iyi banki ikaba ishimwa uburyo ikomeje guteza imbere urubyiruko ari na rwo maboko y’igihugu cy’ ejo hazaza.

Ikipe ebyiri za mbere, iy’abahungu n’iy’abakobwa, buri imwe yahawe igihembo cy’amafaranga y’u Rwanda 150,000 naho izabaye iza kabiri buri yose ihembwa 100,000.

Mu kiganiro IGIHE yagiranye na Daniel Mugabonake, Umuyobozi wa COGEBANQUE mu ishami rya Muhanga, yasobanuye ko uretse ibi bihembo bageneye aya makipe yabaye aya mbere, hari impanuro bahaye uru rubyiruko rwitabiriye iri huriro by’umwihariko, zishingiye ku gushishikarira kwizigamira udufaranga duke babona bategura ejo habo hazaza.

Ku bufatanye na Kiriziya Gaturika, COGEBANQUE yateye inkunga imikino yasoje ihuriro ry'urubyiruko i Muhanga

Ati “[…] twabakanguriye kwizigamira, nubwo baba babona udufaranga duke ariko twabibukije ko na duke hari uburyo umuntu atuzigama. Iyo wizigamiye uba ufite icyizere cy’ejo hazaza. COGEBANQUE tuzakomeza gushishikariza urubyiruko kwizigamira by’umwihariko binyuze muri banki yacu”.

Muri serivise za COGEBANQUE utasanga ahandi harimo iyo kohereza no kwakira amafaranga ajya cyangwa aturutse hanze y’u Rwanda hakoreshejwe uburyo butandukanye, kubikuza ku mashini (ATM) za COGEBANQUE amasaha 24 kuri 24 iminsi yose aho waba uri hose, hari kandi n’uburyo bwitwa E-taxe-payment igufasha kwishyura imisoro ukoresheje ikoranabuhanga.

Mu zindi serivisi usanga muri COGEBANQUE harimo WEB-Banking (Banking @ home) aho umukiliya areba kuri konti ye yifashishije mudasobwa, hamwe n’uburyo bwa Mobile Banking aho umukiliya agera kuri serivisi za banki yifashishije telefone ye igendanwa harimo inyandiko zihinnye zerekana imiterere ya Konti muri COGEBANQUE, kugura umuriro w’amashanyarazi no gusaba agatabo ka sheik, OP cyangwa Resi.

Mu rwego rwo kunoza serivisi baha abakiriya, COGEBANQUE yashyize ahagaragara umurongo umuntu ashobora guhamagara igihe cyose, mu gihe agize ikibazo cyangwa akeneye ubufasha runaka, uwo murongo ni 5050.

COGEBANQUE yateye inkunga isiganwa ry'imodoka
Imigendekere myiza ya Tour du Rwanda yagizwemo uruhare rukomeye na COGEBANQUE
Louis de Monfort Mujyambere, Umuyobozi ushinzwe ubucuruzi muri COGEBANQUE (hagati) yahagarariye iyi banki mu gushyigikira ihuriro ry'urubyiruko i Muhanga
Miss Akiwacu Colombe yiyereka mu marushanwa ya Miss Rwanda yatewemo inkunga na COGEBANQUE
Amafaranga yose COGEBANQUE yatanze muri Salax Awards 2013 agera kuri Miliyoni 7,5.
Muri Salax Awards 2013, buri muhanzi wegukanye igihembo yahawe ibihumbi 500 na COGEBANQUE

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza