Kwamamaza

Kigali: Harategurwa umunsi uhuza abavutse ari impanga

Yanditswe kuya 16-12-2013 saa 12:03' na Richard IRAKOZE
     


Tariki ya 26 Ukuboza 2013, i Nyamirambo kuri Le Capri hazabera ku nshuro ya kabiri umunsi mukuru uhuza abantu bose bavutse ari impanga mu rwego rwo guhura bakamenyana, bagasabana bakanatekereza uko bafasha abantu bavutse ari impanga ariko bafite ibibazo by’imibereho.
Aganira na IGIHE, Bukuru Jean Damascene, umwe mu bari gutegura uyu munsi mukuru yavuze ko umuntu wese wavutse ari impanga atumiwe muri uyu munsi mukuru, nta kindi kiguzi. Bukuru avuga ko muri uyu munsi mukuru abazaza (...)

Tariki ya 26 Ukuboza 2013, i Nyamirambo kuri Le Capri hazabera ku nshuro ya kabiri umunsi mukuru uhuza abantu bose bavutse ari impanga mu rwego rwo guhura bakamenyana, bagasabana bakanatekereza uko bafasha abantu bavutse ari impanga ariko bafite ibibazo by’imibereho.

Aganira na IGIHE, Bukuru Jean Damascene, umwe mu bari gutegura uyu munsi mukuru yavuze ko umuntu wese wavutse ari impanga atumiwe muri uyu munsi mukuru, nta kindi kiguzi.

Bukuru avuga ko muri uyu munsi mukuru abazaza bazanywa, barye, basabane banungurane ibitekerezo ku bikorwa byo kuremera abantu bavutse ari impanga batishoboye, imwe mu nshingano nyamukuru yatumye hashyirwaho ihuriro ry’abavutse ari impanga mu Rwanda (Rwanda Twins Family).

Ati “Impanga ni umugisha, iyo tubona turiho ahubwo tuba twumva twaravutse ku buryo bw’igitangaza, ni nacyo gisobanuro cy’uwo munsi mukuru. Tuba turagira ngo twishimishire uwo mugisha Imana yaduhaye wo kuba tukiriho ariko cyane cyane tunatekereza ku bandi bagenzi bacu bavutse ari impanga ariko bafite ibibazo by’imibereho”

Ku ikubitiro iri shyirahamwe rya Rwanda Twins Family rivuga ko hari umubyeyi ryamaze kumenya wafashwe ku ngufu n’abagabo babiri nyuma aza kubyara impanga eshatu, ubu akaba nta bushobozi bwo kuzirera afite, bakaba bateganya kumuremera.

Aba ni bamwe mu bakobwa b'impanga baba muri Kigali; bavuga ko kuvuka uri impanga ari umugisha
Impanga ziheruka gushakana; Bukuru yashatse Bukuru na Butoya ashaka Butoya; nabo bazaba bari muri iki gitaramo

Uyu munsi mukuru utegerejwemo abantu barenga 200 bavutse ari impanga barimo impanga eshatu z’abasore ziba i Huye, abasore babiri n’abakobwa babiri bose b’impanga baherutse gushyingirwa i Kigali mu munsi mukuru udasanzwe w’ubukwe bw’impanga.

Impanga zose zifuza kwitabira uyu munsi mukuru zahamagara kuri 0788309782

[email protected]

IZINDI NKURU WASOMA
Rehema za Yesu
2015-08-08 12:02:15
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved