Masamba n’abishywa be basusurukije abitabiriye isangira ryo gusoza umwaka

Yanditswe na Muvunyi Arsène
Kuya 1 Mutarama 2019 saa 11:05
Yasuwe :
0 0

Umuhanzi Intore Masamba n’abishywa be, Jules Sentore na Ruti Joel, basusurukije abitabiriye isangira ryo kwizihiza umwaka mushya wa 2019.

Iki gitaramo cyabaye mu ijoro ryo kuwa 31 Ukuboza, rishyira kuwa 01 Mutarama 2018, muri Mariott Hotel mu Mujyi wa Kigali.

Cyari kigamije guhuza inshuti n’abavandimwe bagasangira, banishimira ko barangije umwaka wa 2018 amahoro, bakanatangira undi.

Abahanzi b’abahanga mu njyana gakondo, bakomoka kuri Sentore wamamaye mu itorero ry’igihugu Urukerereza, nibo bafashije abari aho kwizihirwa.

Icyogere mu nkuba, Intore Masamba, mu ndirimbo ze nka Kajongera, Mama Shenge, Agasaza, yizihiye abasanzwe bamukunda bari baje kongera kumva ijwi rye rizira amakaraza.

Yari kumwe kandi na mwishywa we Jules Sentore, ukunzwe muri iyi minsi mu ndirimbo zirimo umudiho gakondo uvuguruye. Mu ndirimbo ze nka Warakoze, Sine ya Mwiza, Diarabi yafatanyije na mubyara we Joel Ruti, Udatsikira, n’izindi.

Abari baje muri iki gikorwa bizihiwe bikomeye, maze bava mu myanya bari bicayemo, abagabo bavuna basambwe, abagore batega amaboko, baratarama agati karaturika!.

Iki gitaramo cyaranzwe no gusangira
Icyogere mu nkuba, Intore Masamba yashimishije imbaga yitabiriye iki gitaramo
Intore Masamba akora mu muhogo mu ndirimbo ye Kanjogera
Intore zahamirije
Iradukunda Clement, umwe mu bacuranzi b'abahanga niwe wacurangaga gitari
Itsinda rya gakondo ryataramiye abitabiriye isangira ry'umwaka mushya
Jules Sentore yataramye n'icyuya kiraza
Jules Sentore na Joel bafatanyije n'ababyinnyi babo bavuna sambwe
Byari ibyishimo gusa gusa
Gutangira umwaka baryamye ntibyari kubakundira
Bafashe urwibutso rw'umwaka mushya
Abanyamahanga na bo bagaragaje urukundo rw'umuco nyarwanda
Wari umwanya wo gusangira ku nshuti n'imiryango

Amafoto: Image Rwanda


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza