Masamba n’umukobwa we banyuze abitabiriye igitaramo bahuriyemo (Amafoto)

Yanditswe na Uwiduhaye Theos
Kuya 20 Ugushyingo 2018 saa 09:59
Yasuwe :
0 0

Masamba Intore yahuriye n’umukobwa we witwa Ikirezi Annais Déborah, mu gitaramo cyabereye muri Canada, cyiswe ‘Ikirezi live the Genesis’, ku wa 17 Ugushyingo 2018.

Iki gitaramo cyabereye ahitwa St. Joseph’s Parish Ottawa, Ontario, Canada.

Abacyitabiriye bacurangiwe umuziki w’umwimerere mu njyana zitandukanye zirimo R&B Soul, Reggae n’iziri mu mudiho wa Kinyarwanda.

Umukobwa wa Masamba niwe wabanje ku rubyiniro yiyerekana nk’umunyempano mushya mu muziki.

Masamba aza amukorera mu ngata akoresheje indirimbo ze zirimo ‘Kanjogera,’ ‘Araje,’ ‘Aragiye’ n’izindi. Anamumurikira abari bitabiriye.

Yakomeje avuga ko ku myaka uyu mukobwa we agezemo yanatangiye kugaragaza imbaduko mu muziki ari nayo nawe yambariye itabara, akajya ku rugamba rwo kubohora urwamubyaye, yemeza ko ari ibintu bigenda bihura.

Iki gitaramo cyitabiriwe ku rwego rwo hejuru ndetse aho cyabereye abantu bari bakubise buzuye.

Ubusanzwe Ikirezi afite imyaka 22 atuye Ottawa muri Canada, ni umuhanga mu kuririmba ndetse mu 2017 yitabiriye irushanwa rya Ottawa Idol.

Uretse kuba yimuritse nk’umunyampano mushya, ubusanzwe yafashaga abahanzi batandukanye ku rubyiniro mu buryo bw’imiririmbire cyane cyane abagiye gukorera ibitaramo muri Canada; yafashije The Ben, Sauti Sol n’abandi benshi batandukanye.

Ikirezi Anais Deborah yerekanye impano ye mu kuririmba
Masamba ku rubyiniro
Masamba n'umukobwa we Ikirezi bari ku rubyiniro basusurutsa abitabiriye iki gitaramo
Umuhanzi Jean Paul Samputu yitabiriye iki gitaramo
Ahabereye igitaramo hari hakubise huzuye
Masamba yabanje gukurikirana uko umukobwa we yitwara ku rubyiniro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza