The Ben, Alpha na Kamichi bagiye gusoza umwaka bakora ibitaramo

Yanditswe na IGIHE
Kuya 29 Ukuboza 2017 saa 07:47
Yasuwe :
0 0

Ubwo hasigaye iminsi ibarirwa ku ntoki ngo umwaka wa 2017 ugere ku musoza, abahanzi b’Abanyarwanda baba muri Amerika barimo The Ben, Apha na Kamichi bafite ibitaramo bitandukanye batumiwemo mu mpera z’uyu mwaka.

The Ben azaba ari mu gitaramo mu Mujyi wa Dayton muri Leta ya Ohio, Alpha Rwirangira azaba ari muri South Bend ho muri Leta Indiana mu gihe Kamichi we azaba ari mu Mujyi wa Altanta muri Leta ya Georgia.

Igitaramo The Ben azakora kizaba ku wa Gatandatu tariki ya 30 Ukuboza 2017, byitezwe ko kizitabirwa n’abantu benshi bitewe n’umubare utari muto w’abakunda uyu muhanzi. Iki gitaramo kizashyira akadomo ku mishinga n’ibikorwa bitari bike byakozwe n’uyu muhanzi mu mwaka wa 2017.

Aganira na IGIHE, umwe mu bategura iki gitaramo yatangaje ko imyiteguro igeze kure bakaba biteguye kuzakira abantu baturutse muri Leta zitandukanye zituranye na Ohio zirimo Indiana, Kentucky, Michigan, Pennsylvania, West Virginia ndetse n’ahandi.

Amatikeyo kwinjira muri iki gitaramo arimo aragurirwa kuri internet, ariko akazanagurirwa aho igitaramo kizabera.

Alpha Rwirangira azataramana n’Abanyarwanda baba muri Leta ya Indiana ku butumire bw’abanyarwanda batuye muri ako gace nk’uko bitangaza na Nxumalo Ruhaya, Umuyobozi w’Abanyarwanda batuye muri ako gace.

Umwaka wa 2017 The Ben yawutangiriye mu Rwanda aho yitabiriye igitaramo cya East African Party

Iki gitaramo cya Alpha ni cyo gitaramo cya nyuma cy’uyu muhanzi muri uyu mwaka wa 2017, akaba aricyo kinasoza ibindi bitaramo byinshi uyu muhanzi yakoreye mu bice bitandukanye bya Leta Zunze Ubumwe za Amerika.

Amatike yo kwinjira muri iki gitaramo nayo agurirwa kuri internet

Kamichi we wari umaze igihe kirekire atigaragaza mu ruhando rwa muzika azaba afatanya n’abatuye muri Atlanta gusoza umwaka, ku wa 30 Ukuboza 2017.

Kamichi wari umaze igihe acecetse agiye gutaramira abakunda umuziki we mu mpera z'uyu mwaka
Alpha azataramira muri Leta ya Indiana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza