Hateguwe igitaramo cyiswe “Urugendo rw’indirimbo mu Rwanda” hibukwa Mzee Sentore

Yanditswe na Audace Willy Mucyo
Kuya 2 Mata 2013 saa 10:45
Yasuwe :
0 0

Kuri uyu wa gatatu tari ya 3 Mata isaa kumi n’ebyiri n’igice z’umugoroba (18h30’), hazaba igitaramo kizaba ari nyarwanda ku buryo bwuzuye, hakazibukirwamo nyakwigendera Mzee Sentore Athanase, hanazirikanwa ibikorwa bye.
Muri iki gitaramo kizabera ku Kacyiru mu nzu nini ya ‘Ishyo Arts Center’, hateganyijwe ko hazerekanwa ibyakorwaga mu gitaramo gakondo, harimo imbyino zikomoka mu duce twose tw’u Rwanda, imivugo n’ibyivugo, amahamba, n’ibicurangisho gakondo nka ‘Inanga’, ‘Umuduri’, ‘Icyembe’, (...)

Kuri uyu wa gatatu tari ya 3 Mata isaa kumi n’ebyiri n’igice z’umugoroba (18h30’), hazaba igitaramo kizaba ari nyarwanda ku buryo bwuzuye, hakazibukirwamo nyakwigendera Mzee Sentore Athanase, hanazirikanwa ibikorwa bye.

Muri iki gitaramo kizabera ku Kacyiru mu nzu nini ya ‘Ishyo Arts Center’, hateganyijwe ko hazerekanwa ibyakorwaga mu gitaramo gakondo, harimo imbyino zikomoka mu duce twose tw’u Rwanda, imivugo n’ibyivugo, amahamba, n’ibicurangisho gakondo nka ‘Inanga’, ‘Umuduri’, ‘Icyembe’, ‘Umwirongi’, ‘Ingoma’, ‘Iningiri’, ‘Ikondera’, n’ibindi kandi ibyinshi bicurangwa n’abakiri bato.

Nk’uko yabitangarije IGIHE, Intore Massamba ari na we uhagarariye Itsinda ‘GAKONDO’ ryateguye iki gikorwa, yagize ati: “Iki gitaramo gitandukanye cyane n’ibindi bisanzwe bimenyerewe hano mu Rwanda, aho ubona abenshi mu bakora umuziki bigana cyane ku mico y’amahanga bakirengagiza uwabo gakondo. Tuzakora gitaramo gakondo, ku buryo abazacyitabiri bazabona neza aho umuzi fatizo w’indirimbo nyarwanda ukwiye kuba ushingiye, kandi kwinjira ni ubuntu.”

Yakomeje avuga ko iki gitaramo kiri mu rwego rwo kuzirikana nyakwigendera Mzee Sentore Athanase wari n’umubyeyi we, dore ko yagize uruhare mu kuguma guhirimbanira ko umuziki gakondo nyarwanda utazimira, aho yigishaga urubyiruko gutarama bya Kinyarwanda bacuranga ibikoresho gakondo.

Muri iki gitaramo kandi, hazanerekanirwamo filme ishingiye ku byabayeho yitwa “Sentore Athanase” igaragaza ibikorwa bya nyakwigendera Mzee Sentore, ikaba yarakozwe n’uwitwa Patrick Lefebvre afatanyije na Nadine Uwampayizina muri ‘Imitoma Productions’.

Massamba, umuyobozi wa Gakondo Group, akaba n'umuhungu wa nyakwigendera Sentore
Jules Sentore, umwuzukuru wa nyakwigendera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza