Mu gitaramo cya Urban Boyz, abafana bongeye kwiyongera muri Petit Stade

Mu gitaramo cya Urban Boyz, abafana bongeye kwiyongera muri Petit Stade


Yanditswe kuya 26-11-2012 - Saa 08:20' na Richard Irakoze

Bitandukanye n’ubwitabire bwagaragaraga mu bitaramo byaberaga kuri Petit Stade muri iyi minsi, igitaramo cyo kumurika Album ya gatatu Urban Boyz bise “Batatu ku rugamba ” cyitabiriwe n’abantu benshi bari hejuru y’ibihumbi bibiri.

Benshi mu bitabiriye iki gitaramo cyabaye ku wa 24 Ugushyingo bari urubyiruko rwiganjemo abanyeshuri.

Abitabiriye igitaramo bari benshi ugereranyije n'ibitaramo byari bimaze iminsi bibera muri Petit Stage

Muri iki gitaramo haririmbye abahanzi bakunzwe mu Rwanda barimo King James, Kitoko, Jay Polly, Kamichi, Bruce Melodie, Queen Cha, Mako Nikoshwa, Lil-G, Strong Voice (Abana batanu bavukana baririmba mu njyana ya Reggae ku buryo bwa Live), Tizzo, Ama-G The Black, Amity n’abandi. Hanaririmbye n’abahanzi nka The Momo, Fank (wavuye muri studio y’i Musanze Top 5Sai), Malia Caline, n’abandi.

Abahanzi b’abagande Jackie Chandiru na Washington na bo baririmbye muri iki gitaramo bashimisha abafana.

Batatu ku Rugamba bari babucyereye mu gususurutsa abafana

Umuhanzi byagaragaye ko yishimiwe cyane kurusha abandi ni Jay Polly ubwo yaririmbaga indirimbo ye “Umwami Uganje”. Abandi bahanzi bishimiwe n’abafana ni Jackie Chandiru hamwe na Ama-G The Black.

Urban Boyz bagerageje kuririmba ku buryo bwa Live, banashimisha abafana. Bavangaga indirimbo zabo n’indirimbo zitandukanye zikunzwe zo hanze bananyuzamo bakabyina ku buryo bunogeye ijisho. Bari bambaye imyenda yanditseho izina basigaye bakunda gukoresha muri iki gihe rya “The Super Level”.

Iki gitaramo cyatewe inkunga na Tigo na Bralirwa cyatangiye ahagana saa tatu gisozwa ahagana saa saba n’igice (01:30 pm). Ubwo basozaga kuririmba, Nizzo wa Urban Boy yavuze ko yashimishijwe n’iki gitaramo cyane. Yashimiye abafana ba Urban Boyz agira ati “Ndishimye cyane, Imana ibahe umugisha.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO