NUR: N’Abarundikazi bazitabira amarushanwa ya Miss Campus 2012

NUR: N’Abarundikazi bazitabira amarushanwa ya Miss Campus 2012


Yanditswe kuya 17-01-2012 - Saa 15:16'

N’ubwo atari inshuro ya mbere Kaminuza Nkuru y’u Rwanda(NUR) itora Nyampinga uhiga abandi (Miss), ngo ni ubwa mbere amarushanwa nk’aya yitabiriwe n’abanyeshuri batari Abanyarwandakazi.

Mu birori byiswe ‘Rector’s Excellence Awards/REA’ bisanzwe bibera muri Kaminuza Nkuru y’u Rwanda (NUR), ahatangirwa ibihembo ku banyeshuri bitwaye neza mu byiciro bitandukanye, ari naho hatorwa Nyampinga uhiga abandi mu bwiza; kuri ubu n’Abarundikazi biga muri iyi kaminuza bazahiganwa ku mwanya wa Nyampinga.

IGIHE.com tuganira na Runyange Medard, Umuyobozi ushinzwe abanyeshuri ari nawe uhagarariye igikorwa cyo gutora Nyampinga; yadutangarije ko kuva na mbere amarushanwa ya Miss Campus yatangira, nta munyeshuri wigeze ahezwa kuko atari Umunyarwandakazi.

Runyange yavuze ko kuba hari ababashije kwitabira kuri iyi nshuro, ari uko ari bwo habonetse ababishoboye kandi bashiritse ubwoba.

Runyange yagize ati: "Nta muntu wigeze ahezwa kuko uwo dutora ni Miss Campus ntabwo ari Miss Rwanda."

Nyampinga NUR iregereje

Yakomeje avuga ko kuba bagiye gutora Miss 2012 kandi nta Miss 2011 wigeze ubaho, ngo byatewe n’uko mu gihe bifuzaga guteguramo iki gikorwa, abanyeshuri bari mu bizami, kuko ari bwo Leta yari muri gahunda yo guhindura umwaka w’amashuri, bityo umwaka ukaba mugufi kandi amasomo nayo ari menshi.

Abahatana barimo abakobwa 9 (Abanyarwandakazi 7 n’Abarundikazi 2) ari bo Isimbi Deborah Abiellah, Kaneza Arcella, Nduwimana Axelle-Aimee, Rangira Isimbi Samantha, Umubyeyi Jeanne Elyse, Umulisa Larissa, Umurerwa Ariane, Mutamba Allen na Tega-Yombi Mutimura.

Ibirori byo kwambika ikamba Nyampinga uzahiga abakobwa 9 bari guhatana, bikazaba ku mugoroba wo kuri uyu wa Gatanu tariki ya 20 Mutarama 2012, mu nzu nini isanzwe iberamo ibitaramo (Grand Auditorium/Main Auditorium), saa cyenda (3 pm).

Abahatanira kuba Nyampinga

Isimbi Deborah Abiellah
Kaneza Arcella
Nduwimana Axelle-Aimee
Rangira Isimbi Samantha
Umubyeyi Jeanne Elyse
Umulisa Larissa
Mutamba Allen
Umurerwa Ariane
Tega-Yombi Mutimura

Ushobora gutora umukandida wakunyuze, ukamuha amahirwe ukanda hano .

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO