Ikanzu idoze mu dukingirizo yahuruje abantu muri Congo

Yanditswe na Bukuru JC
Kuya 7 Ukuboza 2017 saa 07:07
Yasuwe :
1 0

Umuhanzi ukomeye mu by’imideli muri Repubulika Iharanira Demokarasi ya Congo, yamuritse amakanzu adoze mu buryo budasanzwe aho yifashishije udukingirizo dusanzwe twifashishwa mu mibonano mpuzabitsina.

Iyi kanzu idozwe mu dukingirizo uyirebeye kure ntuhita uvumbura ko uwayikoze yifashishije udukingirizo ariko iyo uyitegereje neza ubona ko yadozwe mu dukingirizo tugiye twomekana, tumwe turafunguye utundi turacyari mu mashashi dupfunyikwamo.

Mu kiganiro na BBC, umuhanzi w’imideli Félicité Luwungu yasobanuye ko yadoze amakanzu yifashishije udukingirizo agamije gukora ubukangurambaga bwigisha abantu kwirinda gukora imibonano mpuzabitsina idakingiye. Yanavuze ko yakoze iyi kanzu ashaka ko ‘muri Congo batangira kwigiramo umuco wo kuvuga ibyerekeye ubuzima bw’imyororokere’.

Félicité Luwungu yasobanuye ko ‘impamvu nyamukuru yatumye akora iri murika ry’imideli rimaze imyaka ibiri byaturutse ku kuba yarabuze abantu benshi bo mu muryango we bazize agakoko gatera Sida’.

Yashimangiye ko kumurika aya makanzu ari umurongo yahisemo wo gutanga ubutumwa bugamije kwigisha abaturage muri Repubulika Iharanira Demokarasi ya Congo ‘ko bakwiye gutangira kuganira byeruye ibyerekeye imibonano mpuzabitsina’ umuco udasanzwe muri iki gihugu.

Luwungu yavuze ko abaturage bo muri Repubulika Iharanira Demokarasi ya Congo bakomeje guceceka byazagorana cyane kugabanya umubare w’abandura indwara zifatira mu mibonano mpuzabitsina.

Iyi kanzu yatangariwe cyane muri Repubulika Iharanira Demokarasi ya Congo

Mu baganiriye na BBC hari abamaganye iri murika ry’amakanzu adozwe mu dukingirizo. Uwitwa Freddy wiga mu Mujyi wa Kinshasa yavuze ko ‘uyu muhanzi yarengereye’.

Freddy avuga ko umuntu yambaye ikanzu ikoze mu dukingirizo mu ruhame cyangwa se ahantu hari abana bataramenya ibyerekeye imibonano mpuzabitsina atari umuco mwiza ukwiye guhabwa intebe.

Muri aya makanzu harimo adozwe mu dukingirizo dufunguye n'andi adoze mu tugipfunyitse mu mashashi

Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza