Imyambarire idasanzwe y’ibyamamare mu birori bya Met Gala 2019 (Amafoto)

Yanditswe na Muvunyi Arsène
Kuya 7 Gicurasi 2019 saa 11:31
Yasuwe :
0 0

Ibyamamare bitandukanye ku rwego mpuzamahanga byitabiriye ibirori bikomeye by’imideli bya Met Gala 2019 byabaye ku wa 6 Gicurasi 2019, aho benshi bigaragaje mu myambaro idasanzwe.

Ibirori bya Met Gala bihuza ibyamamare mu ngeri zitandukanye haba mu muziki, sinema, imideli, imikino n’izindi.

Bitegurwa n’inzu imurika imideli ya The Costume Institute bikabera ahitwa Metropolitan Museum of Art mu Mujyi wa New York muri Leta Zunze Ubumwe za Amerika.

Ibi birori bitegurwa mu rwego rwo kwerekana imyenda mishya imurikwa na Costume Institute no gukusanya amafaranga yo kuyitera inkunga.

Byitabiriwe n’ibyamamare byinshi byiganjemo abanditse izina mu bakinnyi ba film n’abanyamuziki.

Abakundana n’abaherutse gukora ubukwe bari bari kumwe n’abakunzi babo. Aha twavuga nka Idris Elba n’umugore we Sabrina Dhowre; Jennifer Lopez na Alex Rodriguez; Kylie Jenner na Travis Scot; Swizz Beatz na Alicia Keys; Pryanka Chopra n’umugabo we Nick Jonas; Kanye West na Kim Kardashian West n’abandi benshi.

Hailey Bieber umugore wa Justin Bieber na Card B bari mu bagaragaye batari kumwe n’abagabo babo.

Umubyinnyi w’Umunyarwandakazi Sherrie Silver na we yari ahari aho yari yambaye ikanzu yakozwe na Gucci.

Umuhanzikazi Lady Gaga yagaragaye mu myenda igera kuri ine. Ubwa mbere yari yambaye ikanzu nini cyane ifite ibara ry’iroza, yayikuyemo asigarana indi y’umukara nayo yaje gushyira hasi asigarana ifite ibara ry’iroza ariko imwegereye cyane; iyi yaje kuyivanamo asigarana utwenda tw’imbere gusa.

Mu bandi baserutse muri ibi birori nka Kim Kardashian we yari yambaye ikanzu ngufi yadozwe n’umuhanga mu by’imideli Mugler. Iyi kanzu mu mwenda ukozwe mu ruhu igatamirizwa amasaro ameze nk’ibitonyanga by’amazi. Yadozwe mu mezi umunani.

Umuraperikazi Card B yari yambaye ikanzu ndende cyane y’umutuku ku buryo byasabaga ko bagenda bayimuteruje. Iyi kanzu yakozwe n’abantu 35 mu gihe cy’amasaha 2000 ikaba ikozwe n’amababa ibihumbi 30. Yaremwe n’umunyabugeni w’Umunyamerika Thom Browne.

Abafana ba Nick Minaj bibasiye Card B bavuga ko iyi kanzu yambaye yiganye iyo uyu mukeba we yambaye umwaka ushize.

Umukinnyi film Ezra Miller yatunguranye yambara ‘mask’ imugaragaza nk’ufite amaso menshi mu gihe Jared Leto yari afite ikibumbano cy’agahanga ke.

Ibirori bya Met Gala byatangiye kuba mu 1971, byitabirwa n’ibyamamare bitandukanye haba mu muziki, ubugeni, sinema, abanyarwenya n’abandi batandukanye.

Lady Gaga yageze mu birori yambaye ikanzu nini cyane
Yayikuyemo asigarana indi y'umukara. Uyu muhanzikazi yari anitwaje umutaka w'umukara
Yahise ayikuramo asigarana indi kanzu isa n'imwegereye
Kris Jenner, umubyeyi wa Kim Kardashian na Kylie Jenner
Lupita Nyong'o yari yambaye imitsatsi y'Abanyafurika
Umukinnyi wa film, Michael Lorenzo Urie i yiyerekanye mu isura y'umugore n'umugabo
Bill Poter yari yambaye imyenda ifite amababa
Umunyamideli Hailey Rhode Bieber ukundana n'umuhanzi Justin Bieber
Idris Elba n'umufasha we Sabrina Dhowre baherutse kurushinga bari babukereye
Jared Joseph Leto wamamaye mu gukina film muri Amerika yaje afite ikibumbano cy'isura ye
Jennifer Lopez n'umukunzi we Alex Rodriguez uheruka kumwambika impeta
Ikanzu ya Kate Perry yari izengurutswe na za buji
Kanye West utajya wita ku myambarire n'umugore we Kim Kardashian baserukanye muri ibi birori
Umukinnyi wa film Hailee Steinfeld yari yambaye ikanzu yiyama ba gafotozi
Umukinnyi wa film Priyanka Chopra n'umugabo we Nick Jonas bwa mbere bagaragaye mu ruhame kuva bakora ubukwe
Umuherwe François-Henri Pinault n'umugore we Salma Hayek
Umuherwekazi Kylie Jenner n'umuvandimwe we Kendall Jenner ni uko baserutse
Umukinnyi wa film Benedict Cumberbatch n'umugore we Sophie Hunter
Umukinnyi wa film Ezra Miller mu isura imugaragaza nk'ufite amaso menshi
Miley Cyrus n'umugabo we Chris Hemsworth ukomoka muri Australia
Swizz Beatz wamamaye mu gutunganya indirimbo n'umufasha we Alicia Keys bamaranye imyaka icyenda
Umuraperi Travis Scott n'umugore we Kylie Jenner
Umuhanzikazi Celine Dion yahacanye umucyo
Umuhanzikazi Ciara ntiyatanzwe
Umuryango w'abazwi nka Kardashians
Umunyamideli ubifatanya no gukina film, Emily O'Hara Ratajkowski
Umunyamideli Jelena Noura "Gigi" Hadid
Umunyarwandakazi Sherrie Silver yambitswe na Gucci
Umuraperikazi Card B yari yambaye ikanzu idasanzwe
Umuraperikazi Nick Minaj
Umuririmbyi Billy Porter yaje atwawe mu ngobyi nk'umwami

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza