Kwamamaza

Umugore wa Stromae yasohoye icyiciro cya gatatu cy’imideli yakoze

Yanditswe kuya 11-10-2016 saa 14:26' na IGIHE


Coralie Barbier afatanyije n’umugabo we Stromae bashyize hanze icyiciro cya gatatu cy’imideli yakomatanyije akayita ‘Collection Mosaert’.

Ni nyuma y’igihe gito atangaje ko ubugeni n’imideli akora yifuza ko byakwamamara ku Isi. Yanavuze ko yifuza kwambika ibyamamare birimo Beyonce na Rihanna.

Paul Van Haver [Stromae] na Coralie Barbier bari bamaze igihe mu kiruhuko, ntibakoraga cyane iby’ubuhanzi bw’indirimbo basanzwe bafatanyamo gusa uyu mugore yakoranaga bya hafi n’abadozi bamufasha mu by’imideli asigaye yibandaho cyane.

Aba bombi basezeranye mu ibanga rikomeye kuwa Gatandatu tariki ya 12 Ukuboza 2015 mu muhango wabereye i Malines mu Ntara ya Antwerp mu Bubiligi.

Barbier ni we umwambika imyambaro yose ajyana mu ruhame, akaba yaranamuhimbiye ubwoko bw’imyambaro akunda kugararagarana yise ‘Collection Mosaert’.

Imideli bashyize hanze ni mike ugereranyije n’iyo bamaze amezi atandatu basohoye, imishya irimo inkweto imiguru 18[umuguru umwe ucuruzwa ku ma- euros24] ndetse n’imipira n’amakabutura 20 ya Polo[bicuruzwa ku ma- euros 125].

Muri Mata 2016 Barbier yashyize hanze igice cya kabiri cya ‘Collection Mosaert’. Icyo gihe Stromae yatangarije ikinyamakuru Le temps ko yizeye kuzabona inyungu itubutse mu mideli umugore we ahanga ndetse ko bitazabangamira iterambere ry’umuziki we.

Yagize ati “Twizeye ko byombi bizagenda neza kuko biratandukanye. Stromae ni umushinga w’ibanze ariko na none iyi myambaro nayo ifite agaciro, iri ku ruhande, ibaho yonyine kandi bizanshimisha nayo nimenyekana cyane.”

Coralie Barbier yunzemo agira ati “Ni uburyo bubiri bwo kwigaragaza […] Umushinga w’umuziki uhagaze ntabwo byatubuza gukomeza mu yindi nzira. Ni urugero, nk’ubu turifuza gushaka isoko ry’imyenda mu Buyapani kuko umushinga w’umuziki ntitwawerekanyeyo.”

Stromae yavuze ko yifuza kuzabona imyambaro umugore we akora yamamaye ku Isi. Imyenda badoda ikorerwa mu Bubiligi ni naho hari amaduka menshi ayicuruza kurusha abandi.

Bacuruza idoze mu bitenge bya wagisi [wax] bizwi muri Afurika ariko hari n’indi ya polo icuruzwa ku giciro gihanitse cyane.

Stromae afata Barbier nk’umuntu ukomeye mu kugaragara neza kwe mu myambarire, kuko hari benshi bayimukundira. Avuga ko kera, ataramenyana na Barbier, byamugoraga guhitamo imyambaro ahanini bitewe n’indeshyo ye.

Coralie umugore wa Stromae
Stromae n'umugore we basigaye bibanda cyane mu mideli

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved