La X Sacha arateganya guteza imbere ibijyanye n’imideri mu Rwanda

Yanditswe na Rene Anthere Rwanyange
Kuya 22 Ugushyingo 2012 saa 06:00
Yasuwe :
0 0

Umunyarwandakazi Chantal Landry Sangwa bakunze kwita La X Sacha aratangaza ko ateganya kuza gufasha Abanyarwanda bafite impano yo kumurika imideri no kuyishushanya, abasangiza ku bunararibonye amaze kungukira muri Leta Zunze Ubumwe z’Amerika ari na ho akorera uyu mwuga.
La X Sacha yamenyekanye cyane mu mashusho y’indirimbo “I’m in Love” ya The Ben, akaba ari umukobwa umaze gutera intambwe ishimishije mu kwerekana imideri no gushushanya imyenda.
Mu kiganiro na IGIHE yadutangarije ko ubu afite (...)

Umunyarwandakazi Chantal Landry Sangwa bakunze kwita La X Sacha aratangaza ko ateganya kuza gufasha Abanyarwanda bafite impano yo kumurika imideri no kuyishushanya, abasangiza ku bunararibonye amaze kungukira muri Leta Zunze Ubumwe z’Amerika ari na ho akorera uyu mwuga.

La X Sacha yamenyekanye cyane mu mashusho y’indirimbo “I’m in Love” ya The Ben, akaba ari umukobwa umaze gutera intambwe ishimishije mu kwerekana imideri no gushushanya imyenda.

Mu kiganiro na IGIHE yadutangarije ko ubu afite amasezerano n’imwe mu makompanyi akomeye cyane mu mujyi wa Pittsburgh yitwa "The talent group", by’umwihariko kakaba ari na ko kazi akora iyo atari mu masomo.

La X Sacha avuga ko yatangiye gukunda ibintu bijyanye no kumurika imideri akiri muto cyane, bityo bimuha ingufu zo kujya akurikiranira hafi amarushanwa y’ubwiza no guhatana kwa ba nyampinga, imyiyereko, n’ibindi byose bifite aho bihuriye no kumurika imideri.

Ati “Mu mwaka wa 2007 nabashije kuza mu 10 bahataniraga kuba nyampinga w’Umujyi wa Kigali, no mu mwaka ushize nabashije kwitabira amarushanwa y’ubwiza muri Pittsburgh.”

Akomeza avuga ko yabashije no gufata umwanya wo kwiga ibijyanye no kumurika imideri muri Texas, ndetse yumva nasoza amasomoye y’ubuvuzi n’ibinyabuzima arimo kwigira muri Kaplan University azahita akomereza ko azamura uyu mwuga kurushaho kuko ngo biba mu nzozi ze, kuba yazishushanyiriza imyenda ikazamwitirirwa, dore ko ngo n’umuryango we umushyigikiye cyane.

Ati “Sinavuga ko maze kugera ku bintu byinshi cyane kugeza ubu ariko mbona ndimo gutera imbere cyane. Maze gukora imyiyereko myinshi, ahantu henshi hatandukanye kandi n’abantu batandukanye.”

La X Sacha ashimangira ko mu gihe ataramenya neza, ateganya kwagurira umwuga we mu Rwanda, kuko asanga hari abakobwa benshi bafite ubushake bwo kwiteza imbere ariko bakaba babura gishyigikira.

Dore aho ushobora kurebera ibikorwa bye birambuye : www.laxsacha.blogspot.com


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza