Abaganga baratangaza ko impanuka Mani Martin yagize idakanganye

Abaganga baratangaza ko impanuka Mani Martin yagize idakanganye


Yanditswe kuya 4-02-2013 - Saa 12:52' na Vénuste Kamanzi

Mu masaha ya saa tatu n’igice zo mu gitondo, kuwa 4 Gashyantare 2013, umuhanzi Mani Martin yakoze impanuka agonzwe n’imodoka ahita ajyanwa mu bitaro bya Kaminuza bya Kigali CHUK, ariko umuganga wamwakiriye arahumuriza abakunzi be ko uko ameze bidakanganye.

Muganga utashatse ko amazina ye tuyakoresha, yatubwiye ko azi neza ko Mani Martin agomba kujya mu gihugu cya Zanzibar mu iserukiramuco rizahabera muri uku kwezi.

Ibizamini byakozwe bigaragaza ko uretse ijosi ryasaga n’iryagize ikibazo ko ntacyo ryabaye, ubundi ngo ibindi bikomere yagize ntibikanganye, ngo arasabwa kuruhuka nk’iminsi ibiri cyangwa itatu gusa, agasubira mu mirimo ye.

Mani Martin kwa muganga

Murumuna we Joshua yatubwiye ko Mani Martin yakoze impanuka arimo ava mu rugo i Nyakabanda ajya mu Mujyi rwagati ageze imbere yo kuri CHUK nibwo imodokayamugonze ari kuri moto.

Josua ati “Imodoka yasohokaga muri CHUK yakubise moto yari iriho umumotari arakomereka cyane, ariko Martin Imana yakinze ukuboko, tugendeye ku bisubizo muganga aduhaye turizeza abantu ko nta kibazo, Imana yadufashije, bashyitse umutima mu nda.”

Ubwo twabazaga Mani Martin niba yamara abakunzi be impungenge niba azitabira iserukiramuco yatumiwemo muri uku kwezi muri Zanzibar “Sauti za Busara” yatubwiye ko kugeza ubu nta kintu abiziho.

Indirimbo nshya ya Mani Martin:

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO