Abahanzi 10 bazitabira PGGSS 3 baramenyekana kuri  uyu wa gatandatu

Abahanzi 10 bazitabira PGGSS 3 baramenyekana kuri uyu wa gatandatu


Yanditswe kuya 1-03-2013 - Saa 05:09' na Joel Rutaganda

Nyuma yo gutorwa n’abanyamakuru, aba DJ, abatunganya muzika, abahanzi icumi ba mbere batsindiye kujya mu irushanwa Primus Guma Guma ya 3 (PGGSS3) bazatangazwa kuri uyu wa gatandatu tariki kabiri Werurwe 2013.

Ibyagendeweho mu gutora abahanzi bazitabira iryo rushanwa birimo kuba umuhanzi nibura agomba kuba afite imyaka 18, kuba nibura afite indirimbo eshanu zamenyekanye cyane kuva muri 2010 kugeza muri 2012, no kuba akorera umuziki mu Rwanda.

Ikindi kidasanzwe kizagaragara muri PGGSS3 ni uko hazaba harimo abakemurampaka na bo bazatanga amanota mu gihe aba bahanzi bazaba baririmba imbonankubone (live).

Mu byo bazagenderaho mu gutora umuhanzi ushobora kuzatsindira iri rushanwa harimo uburyo azakora ’live music’, uko azitwara imbere y’abafana, uburyo ashimisha abafana n’imyitwarire ye mu gihe cy’amarushanwa.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO