Alpha Rwirangira yashinze ikinyamakuru kuri internet

Alpha Rwirangira yashinze ikinyamakuru kuri internet


Yanditswe kuya 4-07-2012 - Saa 10:15' na Ally Muhawe

Hashize icyumweru kimwe umuhanzi w’umunyarwanda Alpha Rwirangira ashinze ikinyamakuru cyo kuri internet, kugira ngo ajye ashobora gushimisha abafana be mu buryo bushoboka bwose, kandi anashyira mu bikorwa ishami ari kwiga ari ryo ry’ibijyanye n’amasoko (Marketing).

Icyo kinyamakuru yakise Alpha Rwirangira (www.alpharwirangira.com.mx), ku bazi iby’ikoranabuhanga twababwira ko cyandikirwa ku rubuga rwa internet “blog (yenda gukora kimwe na website).

Alpha yatangarije IGIHE ari we wayitunganyirije (blog), kandi kugeza magingo aya nawe ari mu banyamakuru bayo, avuga ko afite Abanyamakuru b’umwuga baturuka mu bihugu by’Afurika bitandukanye, ahemba mu buryo atashatse gutangariza IGIHE.

Iki kinyamakuru ubu kiriho inkuru ziri mu rurimi rw’Icyongereza gusa, ariko Alpha yavuze ko mu minsi iri imbere inkuru zacyo zizaba ziri mu ndimi eshatu arizo : Ikinyarwanda, Igiswahili n’Icyongereza.

Alpha yatangarije IGIHE kandi ko iyo blog ye izajya icaho rimwe mu cyumweru amashusho ya Televiziyo yo kuri internet (Online TV) yitwa Kalitv. Iyo Televiziyo ni iy’Umunyatanzaniya Omar Kaseko, Alpha akazajya ayikorera nk’umunyamakuru wayo w’i Kentucky (Leta abamo muri Amerika) maze abonereho kuyicisha kuri blog ye iyo nshuro imwe.

Alpha yavuze ko iyi televiziyo azajya ayicishaho amakuru y’Abanyafurika baba muri Amerika, cyane cyane ay’Abanyarwanda. Yagize ati : “Blog yanjye iriho indimbo za njye, amafoto, amakuru atandukanye ashobora gushimisha abafana ba njye ; ifte online TV yitwa Kalitv, aho abantu bashobora kuba babona amakuru y’Abanyafurika baba hanze”.

Yongeyeho ati : “N’ubu dufite gahunda yo gushaka abahanzi bacu b’Abanyarwanda baba muri Amerika kugira ngo abantu bashobore kuzamenya amakuru yabo biciye kuri iyo tv.”

Ubu urubuga rwa Alpha ruri kwibanda ku nkuru z’imyidagaduro zo ku Isi ariko ngo biturutse ku bafana be ishobora kuzajyaho inkuru z’ubwoko bwinshi zibanda ku nkuru zo muri Afurika.

Avuga kandi ko n’ubwo icy’ibanze ari ugushimisha abafana be, azanakoresha uru rubuga mu bucuruzi yamamaza ; ndetse ngo n’ubu hari kompanyi bari kuvugana (dealing) ku buryo bishobotse bakorana.

Alpha ubu atuye muri leta ya Kentucky ho muri Leta Zunze Ubumwe z’Amerika, yiga muri kaminuza ya Campbellsville, aho ari umunyeshuri umwe rukumbi ukomoka muri Afurika y’i Burasirazuba (East Africa).
Yasoje ikiganiro yagiranye na IGIHE avuga ko akumbuye u Rwanda n’Abanyarwanda, arateganya kuzaza mu Rwanda mu Kuboza kw’uyu mwaka wa 2012.

IZINDI NKURU WASOMA
KANDA AHA UREBE N'IZINDI NKURU NYINSHI ...
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO