Asinah azakora igitaramo cy’umwihariko amurika album ya mbere

Yanditswe na

Munyengabe Murungi Sabin

Kuya 15 Mata 2016 saa 01:05
Yasuwe :
0 0

Mukasine Asinah, umuhanzi mu njyana ya Dancehall ageze kure umushinga wo kunoza album ya mbere avuga ko azayimurika mu gitaramo cy’umwihariko udasanzwe aho ashaka kuzatanga umwitangirizwa ku bandi bakobwa.

Asinah amaze amezi arindwi yinjiye mu ruhando rwa muzika yatangiye aririmba mu njyana ya Dancehall ndetse album ya mbere ari gukora izaba igizwe n’indirimbo ziganjemo izifite umudiho wa Kinyafurika na Jamaica.

Afite indirimbo izwi cyane yise “Iz’ubu” iri mu zicurangwa cyane ku maradiyo ariko avuga ko afite izindi nyinshi zigiye kujya hanze.

Yagize ati “Kugeza ubu navuga ko iriya ndirimbo [Iz’ubu] ariyo izwi cyane ariko hari n’izindi mfite nazo ziri hanze. Ubu ndi kurwana cyane no gukora video nziza no kurangiza imishinga y’indirimbo zigize album ya mbere.”

Asinah avuga ko album ya mbere azayishyira hanze mu mezi asatira impera za 2016. Yifuza kuzakora igitaramo gifite umwihariko ari nacyo azaheraho apima urwego rw’umuziki we.

Ati “Ndashaka kuzakora igitaramo gikomeye ku buryo kizatandukana n’ibindi mwabonye byo kumurika album. Nzigaragaza nk’umuhanzi ubikora by’umwuga, nzakora igitaramo kiri ku rwego rukomeye.”

Album ya mbere ya Asinah izaba igizwe n’indirimbo zirimo iz’Icyongereza n’izindi zo mu ndimi zivugwa muri Afurika y’Uburasirazuba cyo kimwe na nkeya z’Ikinyarwanda. Iri gutunganywa na Producer Pacento na Trackslayer.

Asinah agiye kumurika album ya mbere

Yashyize hanze indirimbo nshya yitwa ‘Do It’ iri mu Cyongereza, ni imwe mu zigize album ya mbere ndetse mu cyumweru gitaha azayifatira amashusho.

Mu gihe gito amaze aririmba, Asinah yakoze ibitaramo byitabiriwe bikomeye harimo icyabereye ahitwa Beirut Sky Pool i Nyarutarama n’ikindi aherutse gukorera ku Kicukiro afatanyije n’abandi bahanzi bazwi mu Rwanda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza