Asinah yadukanye kwifotoza yambaye bikini mu buryo bushotora abagabo (Amafoto)

Yanditswe na Bukuru JC
Kuya 10 Gashyantare 2017 saa 11:15
Yasuwe :
0 0

Umuhanzi mu njyana ya Dancehall Mukasine Asinah[Asinah Erra] yadukanye uburyo bushya bwo kwifotoza no kwifata amashusho yambaye imyenda yo kogana akayasakaza ku mbuga nkoranyambaga.

Asinah Erra amaze umwaka urengaho amezi make yinjiye mu muziki, aririmba mu njyana ya Dancehall na Afrobeat. Mu gihe gito amaze aririmba yagiye asohora indirimbo zacuranzwe ku maradiyo harimo ‘Izubu’, ‘Game Is Over’ afatanyije na Neg G The General, ‘Happy’, ‘Mapenzi’ n’izindi.

Kuva yakwinjira mu muziki kugeza ubu, ni umwe mu bahanzi badasiba mu itangazamakuru, ku mbuga nkoranyambaga akoresha by’umwihariko Instagram na Snapchat akunze gushyiraho amashusho yigaragaza nk’uwasagutswe n’umunezero. Muri iyi minsi ariko asigaye yibanda cyane mu kwereka abamukurikira [barenga ibihumbi 24 kuri Instagram] amafoto yambaye bikini ubundi akiyerekana abyinira mu mazi atigisa ibibuno.

Amafoto Asinah amaze iminsi yereka abamukurikirana ku mbuga nkoranyambaga asa n’ubushotoranyi ku bagabo kuko akunze kwifotoza agaragaza bimwe mu bice by’umubiri nk’amatako, kwambara ubusa mu rwogero n’andi atandukanye.

Mu bitekerezo bishyirwa kuri aya mafoto ya Asinah, bamwe bamubwira ko ‘ashobora kuba yari yarabereye umutwaro uwo bahoze bakundana Riderman’ abandi bakamubwira ko yifotoza atya agamije gucumuza abagabo no kwerekana ko ari mwiza. Ibi byose, nta kintu Asinah asubiza.

Asinah uherutse gusohora amashusho y’indirimbo ‘Mapenzi’ amaze iminsi mike avuye i Burayi no muri Amerika. Yabwiye IGIHE ko yagiyeyo kuruhuka no gukora gahunda ze bwite no gukora amashusho y’indirimbo nshya yitwa ‘Gahunda’ yafatanyije na Washington wo muri Uganda.

Asinah ngo aritegura kwerekeza muri Tanzania Mujyi wa Dar es Salaam kurangiza indirimbo afitanyeyo n’umuhanzi uri mu ba mbere bakunzwe muri Afurika y’Uburasirazuba.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza