Kwamamaza

Asinah yihaye umuhigo wo kuyobora umuziki mu cyiciro cy’abagore (Video)

Yanditswe kuya 28-11-2016 saa 07:45' na IGIHE


Mukasine Asinah uri kwigaragaza mu njyana ya Dancehall yihaye umuhigo ukomeye ko mu myaka ibiri iri imbere agomba kuzaboneka mu bahanzi bazaba bari imbere mu gikundiro mu Rwanda no muri Afurika y’Uburasirazuba.

Asinah amaze umwaka umwe mu ruhando rwa muzika, yatangiye aririmba mu njyana ya Dancehall ndetse album ya mbere ari gukora izaba igizwe n’indirimbo ziganjemo izifite umudiho wa Kinyafurika na Jamaica.

Yakoze indirimbo zimaze kumenyekana kugeza ubu zirimo iyitwa “Iz’ubu” iri mu zatumye amenyekana nk’umuhazi, nyuma yasohoye izindi zirimo iyitwa ‘Game Over’ yakoranye n’umuraperi Neg G The General, n’izindi yahuriyemo n’abandi bahanzi.

Uyu mukobwa yasohoye amashusho y’indirimbo yise ‘Happy Time’ imwe mu zibyinitse mu buryo bumenyerewe muri Jamaica aho ubu bwoko bw’umuziki bufite imizi. Iyi igiye hanze nyuma y’indi yaherukaga gukora yitwa ‘Do It’.

Mu kiganiro na IGIHE, Asinah yavuze ko igihe amaze aririmba amaze kugera ku rwego rwiza bityo akaba atangiye kwiga uko azinjira mu isoko ry’umuziki muri Afurika y’Uburasirazuba ahereye mu Rwanda. Yavuze ko ‘intego ya mbere ari uguca inzira zishoboka akayobora umuziki w’abahanzi bari mu cyiciro cy’ab’igitsinagore mu Rwanda mu myaka ibiri iri imbere.’

Asinah wihaye iyi ntego, yari amaze igihe asa n’utacyigaragaza cyane mu muziki gusa ngo ntiyari yicaye ubusa. Ati “Ibyo maze iminsi mpugiyemo ni ugutunganya amashusho y’iyi ndirimbo, hari n’izindi niteguye kurangiza nshyashya ziri muri studio, muri iyi minsi nasaga n’ucecetse ariko ntabwo nari nicaye ubusa kuko nari mfite ibintu byinshi mazemo iminsi ntunganya.”

Yongeraho ati “Impamvu nakoze Happy Time narebye cyane cyane uruhande rw’abantu baba bakeneye kwishima, izakundwa cyane mu tubyiniro kuko ifite ingufu, irabyinitse cyane. Mu bindi bikorwa mfite vuba aha harimo n’izindi ndirimbo nzageza ku bafana bidatinze, hari n’ibindi bikorwa bikomeye nteganya gukora.”

Indirimbo nshya Asinah yise ‘Happy Time’ yatunganyijwe na Producer Washington wo muri Uganda naho amashusho yayo afatwa n’uwitwa Julien usanzwe akorera mu Bubiligi ariko yayikoze ubwo aherutse kuza mu Rwanda.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved