Ifoto ya Asinah yambaye ikariso yavugishije benshi

Yanditswe na

Bukuru JC.

Kuya 9 Gicurasi 2016 saa 01:22
Yasuwe :
0 0

Mukasine Asnah, umuhanzi mushya mu njyana ya Dancehall yashyize hanze ifoto yambaye ikariso n’isengeri isa n’iciyemo kabiri, ibintu byatumye bamwe bamutuka abandi babyutsa iby’umubano we na Riderman.

Mu ijoro ryo kuwa Gatandatu tariki ya 7 Gicurasi 2016, Asinah Erra yashyize ku rubuga rwa Instagram ifoto imugaragaza ahagaze mu cyumba yambaye ikariso gusa yipfutse mu maso gusa ntiyamazeho iminota kuko yahise ayihanagura.

Nubwo Asinah yahise asiba iyi foto ab’inkwakuzi bari bamaze kuyibika ndetse mu gitondo cyo ku Cyumweru tariki ya 8 Gicurasi 2016 itangira gukwirakwizwa ku mbuga za Facebook na Instagram ari nako hiyungikanyaho ibitekerezo n’amagambo atavuga rumwe na nyirayo.

Mu bavuze kuri iyi foto ya Asinah, harimo uwitwa Gabiro Regis wanditseho amagambo ari mu ndirimbo ‘Ndakabya’ ya Riderman na Christopher aho benshi bemeza ko uyu muraperi yaririmbaga uwo bahoze bakundana.

Yanditse agira ati “Unzi neza nkuzi cyane ntugifite ubwihisho ntuzambabaza ukundi nakunyujijemo ijisho.” Aya magambo [lyrics] yayatuye Riderman na Asinah kuko yahise abaha kopi [tagging].

IGIHE yagerageje kuvugana na Asinah ku mpamvu yatumye yifotoza muri ubu buryo butavugwaho rumwe telefone ye igendanwa ntiyadukundira.

Uyu mukobwa uherutse gusohora indirimbo yise ‘Do It’, yari amaze iminsi avugwa cyane mu itangazamakuru kubera ibitaramo yakoze ahanini kubera imibyinire n’imyambarire yagiye imuranga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza