Umuhanzi Babou arategura igitaramo cy’abana n’abafana be

Umuhanzi Babou arategura igitaramo cy’abana n’abafana be


Yanditswe kuya 28-07-2012 - Saa 10:23' na Richard IRAKOZE

Umuhanzi Shema Arnold, umenyerewe ku izina rya Babou arateganya kwigaragaza cyane muri iki gihe cy’ibiruhuko. Muri uko kwogaragaza avuga ko ateganya gukora igitaramo kuwa 1 Nzeri 2012, kibere kuri Stade Amahoro, kizaba kigamije guhuza abana bagenzi be n’abandi bafana be bose muri rusange.

Jerome Paterson umujyanama wa Babou, aganira na IGIHE, yavuze ko iki gitaramo kizaba ku masaha yo ku manywa (Saa munani saa cyenda) kiri mu rwego rwo kugira ngo yiyereke abakunzi be batabashije kumubona ubwo yamurikaga Album ye ya mbere yise Umwana ni umutware.

Paterson akavuga ko bizaba ari umwanya mwiza wo kugeza ku bakunzi be ibihangano bye ku buryo abifuza kugura album ye babasha kuyibona.

Yagize ati:”Ubushize amurika Album ye kuri Cadillac hari bamwe bavuze ko byari bihenze bityo yifuza kuba yakora ikindi gitaramo aho kwinjira noneho bizaba ari igihumbi gusa.” Avuga ko iki gitaramo bataramenya aho kizabera neza ariko ko ari mu mujyi wa Kigali.

Paterson avuga ko muri iki gitaramo umwana wese uzacyitabira ari umuhanzi azahabwa amahirwe yo kuririmba. Akavuga kandi ko muri iki gitaramo Babou azaba ari kumwe n’abandi bahanzi b’abana nk’uwitwa Benzo, w’imyaka 12.

Hazaba kandi harimo n’abandi bahanzi basanzwe bakunzwe mu Rwanda, bazatangazwa mu gihe kiri imbere.

Mu kurushaho kwigaragaza umu buhanzi bwe kandi, Babou kuri ubu asigaye aririmba mu itsinda ririmba Live Music hamwe n’abahanzi bagize BMCG barimo Jody, True D n’abandi.

Babou yashyize ahagaragara indirimbo nshya yise “Rimwe Kabiri”, ivuga ko aba yifuza guhora mu myanya y’imbere mu bikorwa bye haba mu kwiga no mu buhanzi anasaba bagenzi be guhorana umutima wo kuza imbere mu bikorwa byiza.

Umuhanzi Babou w'imyaka 10 aririmba muri Serena mu Kuboza 2011


KANDA HANO USHOBORE KUMVA
  Rimwe Kabiri By Babou
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO