Bahati yongeye kwibutsa abakunzi be kumuha amahirwe muri Groove

Bahati yongeye kwibutsa abakunzi be kumuha amahirwe muri Groove


Yanditswe kuya 11-10-2013 - Saa 14:50' na IGIHE

Umuhanzi Bahati Alphose, yongeye gusaba abakunzi be kumutora mu marushanwa ya Groove Awards Rwanda, mu byiciro bitatu arimo ari byo ; umuhanzi w’umugabo w’umwaka, Indirimbo y’umwaka n’indirimbo y’amashusho y’umwaka.

Uhereye i bumoso ni umuhanzi King James, Bahati Alphonse, Aline Gahongayire, Danny Nanone na Patient Bizimana

Mu butumwa yoherereje abakunzi be, Bahati yagize ati "Bakunzi, umuhanzi wanyu Bahati Alphonse ndabasaba kuntora mu gihembo mpatanira Groove Awards. Kuntora ni ukwandika ijambo Groove ugasiga akanya, ukandika 1a ukohereza kuri 1819."

Umuhanzi King James, waririmbanye na Bahati indirimbo yitwa “Birasohoye” nawe aheruka gusaba abafana be ko bashyigikira uyu muhanzi kugira ngo azegukane ibi bihembo ahatanira.

Mu kiganiro na IGIHE, King James yagize ati “Icya mbere navuga ni ko nishimiye cyane kuba indirimbo nakoranye na Bahati iza mu ndirimbo zihatanira umwanya wa mbere muri Groove, ariko nkanasaba abakunzi banjye bose ko bashyigikira Bahati bamutora”.

Igihembo Bahati aheruka guhabwa

Dore ibyiciro bitatu Bahati ahatanira muri Groove Awards :

Icy’umuhanzi w’umugabo w’umwaka (Male Artist Of The Year)

  • - Eddie Mico
  • - Patient Bizimana
  • - Simon Kabera
  • - Theo Uwiringiyimana

Icy’indirimbo y’umwaka (Song Of The Year)

  • - Arampagije - Serge
  • - Guma Muri Yesu - Jehovah Jireh
  • - Menye Neza - Patient Bizimana
  • - Mfashe Inanga - Simon Kabera

Icy’indirimbo y’amashusho y’umwaka (Video Of The Year)

  • - Ibyiringiro - Theo Ft Lillianne
  • - Ntararenga Inkombe - Olivier Roy
  • - Real Swagga - Eddie Mico
  • - Wowe - Gaby Kamanzi

Gutora Bahati Alphonse kuri internet ni ukujya ku rubuga rwa Groove Awards Rwanda 2013 ugakanda ku izina rye muri buri cyiciro arimo.

Kuri SMS ni ukwandika ijambo groove ugasiga akanya ukandika code ye (1a ku muhanzi w’umwaka), (5b ku ndirimbo y’umwaka) na (12a ku ndirimbo y’amashusho y’umwaka) ukohereza kuri 1819.

Imirongo yose y’itumanaho airtel, Tigo na MTN irakoreshwa.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO