Biography

Yanditswe na Dean Irak
Kuya 6 Kanama 2012 saa 09:59
Yasuwe :
0 0

Alphonse Bahati ni umuhanzi uririmba indirimbo zihimbaza Imana. Akorera ubuhanzi bwe muriADEPER Gisenyi, aho aba.
Avuga ko yavutse mu 1974, n’ubwo avuga ko uyu mwaka awushidikanywaho kubera ko atigeze abona ababyeyi be kugirango bamubwire igihe nyacyo yavukiye.
Yavukiye ahitwa Kalehe muri Repubulika Iharanira Demokarasi ya Congo. Yashakanye na Diane SALAMA, bafitanye abana 3 Abakobwa 2 n’umuhungu 1.
Mu mwaka wa 2004, Bahati yateguye igiterane cyabereye muri Stade ya Gisenyi, cyari gifite (...)

Alphonse Bahati ni umuhanzi uririmba indirimbo zihimbaza Imana. Akorera ubuhanzi bwe muriADEPER Gisenyi, aho aba.

Avuga ko yavutse mu 1974, n’ubwo avuga ko uyu mwaka awushidikanywaho kubera ko atigeze abona ababyeyi be kugirango bamubwire igihe nyacyo yavukiye.

Yavukiye ahitwa Kalehe muri Repubulika Iharanira Demokarasi ya Congo. Yashakanye na Diane SALAMA, bafitanye abana 3 Abakobwa 2 n’umuhungu 1.

Mu mwaka wa 2004, Bahati yateguye igiterane cyabereye muri Stade ya Gisenyi, cyari gifite intego igira iti “Kwibuka imbaraga z’Imana no kubabarira ababagiriye nabi”.

Bimwe mu biteguro bikomeye yakoze harimo icyabaye kuwa 3 Mata 2012, ku Gisenyi muri ULK. Iki gitaramo cyitabiriwe n’abantu barenga 2000.

Iki gitaramo cyari kirimo abahanzi nka Liliane Kabaganza, Aline Gahongayire, Aimé Uwimana, Bizimana Pasiya, Papa Maris Hakizimana, The Blessing na bamwe mu baririmbyi ba AZAPH.

Uyu muhanzi Alphonse Bahati yagiye akora ibikorwa bitandukanye birimo icyo gushyikiriza imiryango yababuze ababo mu gitero cyakozwe n’abacengezi cyabaye kuwa 19 Mutarama 2012. Icyo gikorwa kandi kikaba cyarahuriranye no kwibuka ku nshuro ya 14 abakozi 39 ba BRALIRWA bishwe n’Abacengezi icyo gihe.

Icyo gikorwa cyitabiriwe n’Abayobozi mu Nzego zitandukanye hari Depite Anne Marie Musabyemungu, umuyibozi w’Akarere wungirije ushinzwe imibereho myiza y’abaturage muri Musanze, uhagarariye Umuyobozi w’ikigo cy’Itangazamakuru ORINFOR, uhagarariye umuyobozi wa Police Rubavu ndetse n’Umuyobozi wa BRALIRWA Gisenyi.

Iki gitaramo cyitabiriwe kandi n’abahanzi b’inshuti ze z’abahanzi nka King James umenyerewe mu ndirimbo zitandukanye na Bizimana Patient ndetse na Bitangimana Théoneste.

Depite Musabyemungu mu gushimangira ibyishimo bye kuri uyu muhanzi yamwemereye ku mukoreshereza DVD y’indirimbo ze kugira ngo zikomeze zigeze ubutumwa ahantu hose.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza