Umuhanzi Bull Dogg ngo yikundira guhangana

Umuhanzi Bull Dogg ngo yikundira guhangana


Yanditswe kuya 7-06-2012 - Saa 16:12' na Richard IRAKOZE

Umuraperi Nyarwanda Bull Dogg avuga ko hari bamwe mu barapei yita ‘abana’ baba bashaka kwikuza ngo bishyire hejuru kandi ntacyo baraba cyo, ndetse kandi akavuga ko mu buzima bwe yikundira guhangana.

Aba baraperi atifuza kuvuga mu mazina akabita ‘ubuhinja butoya’, ‘gikumi’ n’andi mazina Bull Dogg avuga ko ari bo agarukaho cyane mu ndirimbo ye nshyashya yise “Coup d’Etat”. Gusa anavuga ko muri iyi ndirimbo anavugamo abandi bantu yita abanzi be.

Bull Dogg ahakana ariko ko muri iyi ndirimbo atavugamo abahanzi baririmbana mu itsinda rya Tuff-Gang cyangwa se undi muhanzi uzwi babanye neza wese.

Mu kinganiro na IGIHE, Bull Dogg abajijwe niba atari Jay Polly cyangwa undi murapei uzwi cyane yaba yarashatse kwibasira muri iyi ndirimbo ye nshya yise ‘Coup d’Etat’, yagize ati:”Si na Jay Polly nigeze nyitera (Beef) navugaga abandi baraperi batandukanye b’abana nagiye nterura, mbese bw’ubuhinja butoya muri Rap bagashaka kwishyira ahantu hatandukanye, n’abandi b’abanzi.”

Umunyamakuru amubajije guterura umuntu icyo bivuga, Bull Dogg avuga ko umuhanzi yita ko yateruye ari uwaje kumusaba ko baririmbana wese ndetse n’undi yaba yarafashije mu zindi nzira nk’izo z’ubuhanzi akagira aho agera. Bull Dogg yagize ati:”Ni abo ngabo mba mbwira abo batindi twakijije amaso ariko ni indashima.”

Bull Dogg uheruka kuvugira ku rubyiniro muri kimwe mu bitaramo bya Roadshow ati:”Abanzi bazijyeho” avuga ko ayo magambo nta kibazo yagombye guteza.
Avuga ko abafana be ahubwo baba bamutegerejeho amagambo nk’ayo agira icyo abwira abamwanga. Bull Dogg yagize ati:”Oya abafana banjye baba bankunda. Baba bategereje ko hari icyo mbwira abanzi banjye baba bavuga bati:’Double G bariya baginga, bariya banzi bawe baragusumbuwa kuki ntacyo ubabwira? Iyo mbwiye umwanzi wanjye birabashimisha.”

Bull Dogg ukunda kwiyita ‘Semwiza Sembyariyimana bibero bikingiye abarwanyi’, asoza ikiganiro avuga ko yikundira guhangana; agira ati:”Nkunda Beef.”

Bull Dogg kuri ubu ari mu irushanwa rya Primus Guma Guma Super Star, afite nomero 5.



KANDA HANO USHOBORE KUMVA
  Bye Bye Nyakatsi By Bull Dogg
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO