Umuraperi Bulldogg asanga umuziki ari nk’umugore

Umuraperi Bulldogg asanga umuziki ari nk’umugore


Yanditswe kuya 4-05-2012 - Saa 12:45' na Vénuste KAMANZI

Mu kiganiro kirambuye aherutse kugirana na IGIHE, Umuraperi Bulldogg yadutangarije ko umuziki w’iki gihe ari nk’umugore, bityo akaba ateganya ko igihe azaba yashatse umugore azahindura bigaragara uko akora muzika ubu.

Kenshi abanenga muzika nyarwanda cyane cyane uw’abakiri bato, bakunze kuvuga ko abahanzi bakiri bato badakora umuziki batekereje kuri ejo hazaza h’umwuga binjiyemo n’ah’ibihangano bagiye guha abakunzi babo.

Twegereye Bulldogg kugira ngo atubwire icyerekezo cye nk’umuhanzi.

IGIHE : Bulldogg iyo urebye uko ukunzwe muri iki gihe wibona nko mu myaka icumi uzaba ugezehe ?

Bulldogg : Ibyo ntabwo njya mbiteganya, kubera ko Imana niyo idupangira, kuko umuntu aba afite abanzi n’ejo babyuka baguhitanye, ndatekereza gutera imbere ariko nyine ntabwo wageza mu myaka icumi cyangwa hejuru.

Ntekereza nko mu myaka itatu ko wenda imiziki yanjye izaba igeze nko ku rwego rwa East Africa (Afurika y’i Burasirazuba), ariko mu myaka icumi ! si ntekereza ko naba nkiri no mu muziki, wenda naba narashatse umugore naragiye no mu bindi.

IGIHE : Bishatse kuvuga ko n’ushaka umugore uzahagarika umuziki ?

Bulldogg : Ntabwo nakomeza kuwukora nk’uko nawukoraga ubu ngubu, byahinduka mo gacye umuziki uba umeze nk’umugore nawo nyine ntabwo napfa kuwureka, utanawukoze(…) utaririmbye wa producing (wajya utunganya imiziki y’abandi), cyangwa ukundi kuntu ubyitwaramo.

IGIHE : Ugiye kumva ukumva baramutse baguhamagariye nk’umwanya runaka mu butegetsi kandi ufite n’umugore wahagarika umuziki ?

Bulldogg : Erega muzika iyi ngiyi yacu y’iki gihe iravuna cyane ! tuzareba n’igihe ukuntu bizaba bimeze, ubonye ibintu bimeze neza hari ukuntu wayikora.

Nk’uko hano mu Rwanda hari abantu bayikora (muzika) kandi bakuru ariko hari uburyo bayikoramo, natwe twayikora nk’uko benda kuyikora ariko twe tukabyagura mo gacye kugira ngo dutandukane nabo kubera ibihe twakuriyemo kandi tutanangana.

IGIHE : Muzika waba uyikora nk’umwuga ku buryo wumva aribwo buzima bwawe, ari nawo uzasaziramo ?

Bulldogg : Umuzika wanjye w’iki gihe ni uwagisore, uwakera Imana n’ikomeza kunshoboza nzawukora gisaza nyine.

Buri muntu areba ikimwungura cyane, ndawukunda, ikizampa amafaranga yo gutunga umuryango wanjye nicyo nzajyana nacyo, nikiba atari umuziki nicyo nzajyana nacyo.

Ariko ntibizambuza kuwukunda nk’umunyamuziki, kandi niba ariwo mbona umpa amafaranga kuruta ibindi akaba yamfasha kubaho neza n’umuryango wanjye niwo nzakomeza.

Ariko sinavuga ngo niho ubuzima bwanjye buzingiye kuko ushobora no kugira ikironda (amahirwe) ukaba umuboxeur (umukinnyi w’iteramakofi) ikaba iraguhiriye kandi ikwinjiriza rale (amafaranga), umuziki ukaba urawuretse ariko ukajya uwukunda bisanzwe.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO