Knowless agiye gukora igitaramo cy’ubuntu ku ivuko

Yanditswe na Munyengabe Murungi Sabin
Kuya 14 Mutarama 2016 saa 12:40
Yasuwe :
0 0

Ingabire Jeanne d’Arc [Knowless], umukobwa wa Butera Jean Marie Vianney ari gutegura igitaramo azakorera iwabo mu Karere ka Ruhango aho yavukiye.

Butera Knowless akunzwe muri iyi minsi mu ndirimbo ‘Te Amo’ yakoranye n’Umunya-Zambia Roberto. Ni umwe mu bahanzi bakomeye muri Afurika bahatanira ibihembo bya KORA Awards 2015.

Agiye gukora iki gitaramo nk’inyiturano yemereye abaturage bo muri Ruhango ubwo yahataniraga Primus Guma Guma aherutse kwegukana.

Yagize ati “Ubushize ndi muri Guma Guma narabibemereye, ni ikintu gikomeye kuhakorera igitaramo. Bizabereka ko ndi umwe mu baturage babo, bazabona ko hari umwana ufite impano uvuka muri kariya gace.”

Knowless ari kunoza ibiganiro n’ubuyobozi kugira ngo azakore igitaramo kinini ku buryo abaturage bo mu Mirenge icyenda igize Akarere ka Ruhango bazacyitabira.

Ati “Nkibitekereza nashakaga kuririmbira mu Murenge wa Ruhango gusa mvukamo ariko Meya ambwira ko byaba byiza kibaye igitaramo kinini, ubu nibyo turi kwigaho neza ku buryo nibirangira byose nzahita manuka.”

Ingabire Jeanne d’Arc ni mwene Jean Marie Vianney Butera na Marie Claire Uyambaje. Yavukiye mu Karere ka Ruhango kabarizwa ahahoze hitwa Gitarama ubu ni mu Ntara y’Amajyepfo.

Yavutse ku itariki ya 1 Ukwakira 1990, avuka ari ikinege, ababyeyi be bombi bitabye Imana.

TE AMO BY KNOWLESS FT ROBERTO


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza