Knowless yahawe igihembo gikomeye muri Kenya

Yanditswe na Munyengabe Murungi Sabin
Kuya 1 Gashyantare 2016 saa 10:08
Yasuwe :
0 0

Butera Knowless yagizwe umuhanzi w’umwaka w’ u Rwanda mu bihembo bikomeye bya muzika bya Bingwa Music Awards bitegurirwa muri Kenya.

Mu ijoro ryo kuwa Gatanu tariki ya 29 Mutarama 2016 hatanzwe ibihembo Bingwa Music Awards, mu muhango wabereye muri Kenya ahitwa Prestige Plaza mu Mujyi wa Nairobi.

Ni ibihembo bitangwa ku bahanzi bakoze kurusha abandi muri Kenya ariko hakanarebwa abahagaze neza muri Uganda, Tanzania, Rwanda na Sudani y’Epfo.

Knowless Butera ni we wabaye umuhanzi wahize abandi mu Rwanda. Yari mu cyiciro kimwe na Tom Close, King James, Dr Claude na Urban Boys.

Umwaka ushize icyiciro cy’abahanzi nyarwanda nticyarimo, ahubwo Dr Claude yaserukiye igihugu mu cyiciro cy’umuhanzi w’umwaka muri Afurika y’Uburasirazuba. Yari ahanganye na na Diamond (Tanzania), Chameleon (Uganda), Cindy (Uganda), Jay dee (Tanzania) na Silver x (Sudani y’Epfo). Igihembo cyatwawe na Chameleone wo muri Uganda.

Knowless yabwiye IGIHE ko ari intambwe ikomeye ateye kuba yagaragaye ku rutonde rw’abahanzi bakomeye mu karere bakoze cyane muri 2015. Ngo byamwongereye imbaraga zo gukora byisumbuyeho mu gihe kizaza.

Ati “Sinabashije kujyayo, cyo kimwe n’uko nabonye ba Diamond n’abandi batsinze badasanzwe bakorera umuziki muri Kenya barishimiye intsinzi babyandika kuri Instagram. Ni ikintu gikomeye kubona kiriya gihembo, byanyongereye imbaraga.”

Atwaye iki gihembo mu gihe ari mu bindi bikomeye bitangwa ku rwego rwa Afurika bya Kora Awards, ari mu cyiciro cy’umuhanzi w’umugore witwaye neza muri Afurika y’Uburasirazuba.

Mu bandibakomeye batwaye ibihembo harimo Sauti Sol (East African Artiste of the Year), Diamond Platnumz (Bingwa Artiste of the Year- Tanzania), Cindy (Artist of The Year Uganda) na Wyre Da Love Child (Ever Relevant Artist of the Year).

Urutonde rw’abegukanye ibihembo uyu mwaka:

East Africa Artist of The Year – Sauti Sol
Artist of The Year Kenya – The Kansoul
Artist of The Year – Bahati
New Artist of The Year – Dufla Diligon
Songwriter of The Year – Visita
Artist of The Year Tanzania – Diamond Platnumz
Artist of The Year Uganda – Cindy Sanyu
Artist of The Year South Sudan – Mary Boyoi
Artist of The Year Rwanda – Knowless
Dialect Artist of The Year – Ken wa Maria
Performer of the Year – H Art The Band
Ever Relevant Artist of The Year – Wyre
Showbiz writer of The Year – Manuel Ntoyai ; The People Daily.
Showbiz Personality of The Year – Willis Raburu


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza