Gukererwa byatumye Knowless adakora kimwe mu bitaramo yari yitabiriye mu Burayi

Gukererwa byatumye Knowless adakora kimwe mu bitaramo yari yitabiriye mu Burayi


Yanditswe kuya 11-12-2012 - Saa 14:05' na Richard Irakoze

Biturutse ku bibazo by’indege yagiriye mu rugendo, umuhanzi Knowless ntiyabashije kuririmbira mu gitaramo yari yatumiwemo mu Bufaransa.

Ibi Knowless yabitangarije IGIHE ubwo yageraga i Kigali kuri uyu wa 11 Ukuboza 2012. Yavuze ko ubwo yafataga inzira ajya i Burayi yatangiye guhura n’ibibazo akigera muri Kenya, yahuye n’ibibazo bikomeye mu rugendo birimo kuba yarahinduriwe itike y’indege yagombaga guca mu Bwongereza igacishwa muri Turukiya.

Ibi ngo byahinduye gahunda ze zose z’urugendo, bityo agera mu Bufaransa asanga igitaramo nyamukuru yari yatumiwemo igihe cyacyo cyarangiye.

Knowless ati “Ni ikibazo cy’indege nagize. Indege nari nakatishije tike yari iyo guca mu Bwongereza; nyuma rero haba ikibazo ntiyaba ikigiye barampindurira bisaba ko iyo ngiyo nyitegereza amasaha menshi mpagera bwije natinze. Namaze igihe kinini mu nzira sinabona uko nkora icyo gitaramo cyo mu Bufaransa.”

Gusa avuga ko yaje gukora ibindi bitaramo bibiri mu Busuwisi birimo icyo kwizihiza ubwigenge kw’igihugu cya Tanzania muri ‘diaspora’ y’i Burayi.

Knowless avuga ko nta bindi bibazo yagiriye mu rugendo nk’impanuka nk’uko byagiye bivugwa, ndetse hakaba hari n’abari bavuze ko yaba yapfuye.

Avuga ko yazanye amashusho y’indirimbo ye nshya y’icyunamo yakoreye mu Burayi.

Dore amwe mu mafoto ya Knowless agera i Kigali n’ayo mu Burayi:

Knowless akigera i Kigali
Knowless aririmba muri bimwe mu bitaramo yakoreye mu Burayi
Knowless ari kumwe n'umujyanama we Kitoko (iburyo bwe) n'abandi bafana be
Bumwe mu butembere Knowless yagiriye mu Burayi
IZINDI NKURU WASOMA
KANDA AHA UREBE N'IZINDI NKURU NYINSHI ...
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO