Biography

Biography


Yanditswe kuya 30-09-2012 - Saa 08:21' na Richard IRAKOZE

Jeanne Ingabire Butera niyo mazina asanzwe y’umuhanzi uzwi ku izina rya Knowless. Ni mwene Jean Marie Vianney Butera na Marie Claire Uyambaje. Yavukiye mu Karere ka Ruhango ho mu hahoze hitwa Gitarama, kuwa 1 Ukwakira 1990, akavuka ari ikinege. Ababyeyi be bombi bitabye Imana.

Amashuri abanza yayigiye Kacyiru mu kigo cya ESCAF, ayisumbuye ayakomereza mu Ruhango mu kigo cya APARUDE nuko aza kuyarangiriza i Nyamirambo mu ishuri rya APACE. Yize ishami rya Computer Sciences and Management. Arateganya gukomereza mu mashuri makuru muri KIST mu ntangiriro za 2012.

Knowles ubuhanzi yabutangiye akuye impano kuri nyina umubyara, uyu nyina akba yararirimbaga muri Korali yo mu badivantisiti b’umunsi wa 7. Knowless yabanje nawe kuririmba muri Korali yitwa maranatha aho yaririmbanaga n’umuhanzi Tonzi, aho akaba yarigaga mu mashuri yisumbuye.

Indirimbo yaririmbye bw ambere ni iyitwa Nyumva yafatanije na Young Junior. Bayikoreye muri Unlimited bayikorerwa na Producer Junior. Nyuma yaje kuririmba indirimbo yitwa Komeza, anaririmba iyitwa Ko Uhinduka, Byarakomeye, Ibidashoboka, Byemere, Adelphine, Baravuga na Nkoraho nshyashya itazwi na benshi.

Mu ndirimbo avuga ko yumvikanamo ijwi rye yafatanije n’abandi bahanzi harimo Inshuti yafatanije na Danny aka8, G.O.L yafatanije na Paccy, Ciney hamwe na The Pink, Gangester Love yafatanije na Paccy hamwe na jay Polly, Ukuri yafatanije na Urban Boyz.

Bimwe mu bihembo yahawe harimo icy’umuhanzi wigaragaje mu bazamutse mu mwaka wa 2010, muri Salax Awards. Afite album imwe yise Komeza ateganya gushyira haze kuwa 17 Ukuboza 2011.

Uyu muhanzi uretse umuziki akorera hano mu mujyi wa Kigali nk’umucungamutungo mu kigo cy’ubwishingizi cya SORAS. Atuye Kacyiru, amafoto yo mu rugo iwe wayareba hano kuri IGIHE.com : http://igihe.com/spip.php?article18803

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO