Umuraperikazi Ciney yinjiye mu mubare w’abahanzi b’abanyamakuru

Umuraperikazi Ciney yinjiye mu mubare w’abahanzi b’abanyamakuru


Yanditswe kuya 20-09-2012 - Saa 03:05' na Richard Irakoze

Ku rutonde rw’abahanzi benshi bakora akazi k’ubunyamakuru mu Rwanda hiyongereyeho umuraperikazi Ciney, usigaye ukora kuri Radio One kuva kuwa Mbere kugeza kuwa Gatanu guhera saa kumi kugeza saa kumi n’ebyiri z’umugoroba (4PM - 6PM).

Aganira na IGIHE, Ciney avuga ko akora ikiganiro cyitwa “Feel the Hits”.

Iyo akora iki kiganiro yibanda ku gucuranga indirimbo nyarwanda no gusobanurira ababa bamuteze amatwi bumwe izo ndirimbo.

Muri iki kiganiro agiramo ibice bitandukanye birimo icyo kwibanda ku gucuranga indirimbo z’abahanzi nyarwanda bari kuzamuka n’icyo gucuranga indirimbo nshya 5 kandi nziza (Top 5).

Avuga ko n’ubwo uyu mwuga w’ubunyamakuru ari mushya kuri we ari kugenda awumenyera kuko avuga ko ubu maze igihe kingana n’amezi ane n’ibyumweru bibiri awukora. Avuga ko byamufashije cyane mu buhanzi bwe kuko ubu atacyibona nk’umuhanzi gusa ko ahubwo yateye indi ntambwe.

Yagize ati ”Ubu sinkiri umuhanzi gusa ahubwo nanjye ninjiye mu mubare w’abateza imbere umuziki nyarwanda (promoter).”

Ciney yagiye wumvikana mu ndirimbo nyinshi zihuriyemo abaraperi b’abahanga mu Rwanda nka G.O.L (Game of Love), indirimbo irimo Paccy, Imvune Remix ya Pacson irimo hafi y’abaraperi bose bakunzwe mu Rwanda n’izindi ubu avuga ko kuri we igihe kigeze cyo gutangira kwigaragaza nk’umuraperikazi ushoboye mu Rwanda.

Ciney aheruka gushyira hanze indirimbo nshya yise “Ngwino Nkwereke - Show U How We Do It” yaririmbanye na LilP usanzwe uba mu Bwongereza.

Ciney yiyongereye ku bahanzi b’abanyamakru nka Kamichi (ukora kuri Voice Of Africa Kigali FM), Victor Fidele uririmba muri The Brothers (ukora kuri Radio One), Ziggy 55 na we uririmba muri The Brothers (ukora kuri Radio One), Pacson (Ukora kuri City Radio), Danny Vumbi uririmba muri The Brothers (Ukora kuri Radio Authentique), Kim Kizito (Ukora kuri Radio 10), Uncle Austin (Ukora kuri K FM), Gloria uririmba muri Bright Girls (uvuga amakuru mu gifaransa kuri Radio 10) n’abandi.

Ciney ari kumwe n'umuraperi Lilp bakunze kwita Papi ari nawe baheruka gukorana indirimbo

Umva "Ngwino Nkwereke (Show U How We Do It)"indirimbo nshya ya Ciney ari kumwe n’umuraperi Lilp



KANDA HANO USHOBORE KUMVA
   Ngwino Nkwereke (Show U How We Do It) By Ciney Ft Lilp
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO