Umuhanzi Eddie Mico yegukanye igihembo muri Groove Awards 2012

Yanditswe na

Richard IRAKOZE

Kuya 30 Mata 2012 saa 01:51
Yasuwe :
0 0

Umuhanzi Eddie Mico niwe wegukanye igihembo cy’umuhanzi w’umwaka mu bahanzi barimba indirimbo zihimbaza Imana bo mu Rwanda mu marushanwa ya Groove Awards yaberaga muri Kenya mu ijoro ryo kuwa 30 Mata 2012.
Amakuru dukesha urubuga rwibanda ku makuru y’abahanzi ba Gospel mu Rwanda, Moriah-Entertainment.com , avuga ko uyu muhanzi watsinze yari yarabanje kugaragaza impungenge mu kwitabira aya marushanwa.
Uru rubuga ruvuga ko uyu muhanzi akimara guhamagarwa ko atorewe kuba umuhanzi w’umwaka mu (...)

Umuhanzi Eddie Mico niwe wegukanye igihembo cy’umuhanzi w’umwaka mu bahanzi barimba indirimbo zihimbaza Imana bo mu Rwanda mu marushanwa ya Groove Awards yaberaga muri Kenya mu ijoro ryo kuwa 30 Mata 2012.

Amakuru dukesha urubuga rwibanda ku makuru y’abahanzi ba Gospel mu Rwanda, Moriah-Entertainment.com , avuga ko uyu muhanzi watsinze yari yarabanje kugaragaza impungenge mu kwitabira aya marushanwa.

Uru rubuga ruvuga ko uyu muhanzi akimara guhamagarwa ko atorewe kuba umuhanzi w’umwaka mu Rwanda yahise asagwa n’ibyishimo nuko ahobera mugenzi we Aline Gahongayire agira ati:”Sindi kwiyumvisha neza ibiri kubera hano aka kanya.”

Eddie Mico watsindiye kuba umuhanzi w’umwaka ni umwe mu bahanzi bazamutse vuba mu baririmba Gospel. Yahanganaga n’abahanzi basanzwe bakomeye mu Rwanda nka Dominic Nic, Aline Gahongayire, Liliane Kabaganza, Patient Bizimana, hamwe n’itsinda rizwi cyane mu Rwanda mu njyana ya Rock yitwa Beautiful Ashes.

Uyu muhanzi, wiga mu cyiciro cya Kabiri (Bachelor’s) mu Ishuri Rikuru ry’Icungamutungo n’Amabanki ‘SFB’, avuga ko impano ye ayikomora mu muryango w’abahanzi, aho agira ati:”Mvuka mu muryango w’abahanzi, sogokuru yari umuririmbyi, umwanditsi w’indirimbo n’ucuranga gitari.”

Ni ku nshuro ya gatatu u Rwanda rujya guhatanira ibihembo muri ayo marushanwa ya Groove Awards. Ku nshuro ya mbere (mu 2010) yegukanywe na The Sisters (igizwe na Gaby, Aline Gahongayire, Phanny na Tonzi), ku nshuro ya kabiri (mu 2011) yatwawe na Blessed Sisters none ku nshuro ya gatatu yegukanywe na Eddie Mico.

Aya marushanwa abaye ku nshuro ya 7, (guhera mu 2004). Bamwe mu bahanzi bahembwe ibihembo bikomeye uyu mwaka ni Eko Dydda na Emmy Kosgey bahawe ibihembo by’abahanzi b’umwaka (umugabo n’umugore) hamwe na Adawnage Band bahawe igihembo cy’itsinda ry’umwaka.

Aya marushanwa ategurwa n’ikompanyi Mo Sound Entertainment yacaga imbonankubone kuri Televiziyo ya KTN (yo muri Kenya) yatewe inkunga n’isosiyete y’itumanaho Safaricom.

Kuva mu 2004, abahanzi barenga igihumbi bagiye bahamagarwa muri aya marushanwa. Abarenga ijana na mirongo itanu (150) bahawe igihembo cya Groove Awards bashimirwa impano yabo mu guhimbaza Imanal.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza