Gisa akomora impano yo kuririmba kuri sekuru

Yanditswe na

Ricahrd Irakoze

Kuya 14 Ukwakira 2012 saa 06:20
Yasuwe :
0 0

Umuhanzi Gisa uri kumvikana cyane mu ndirimbo nka “Uruhinja” (yakoranye na Ama-G The Black), “Isubireho”, “Keza”, “Uwo Nahisemo” n’izindi avuga ko umuziki kuri we ari impano yakuye kuri sekuru kuko ntaho yawize.
Gusa avuga ko ubu agenda yongera ubumenyi ku buryo asigaye acuranga gitari neza.
Mu kiganiro kirambuye yagiranye na IGIHE, Gisa w’imyaka 18, ubusanzwe witwa Gisa James avuga ko kuri we ubuhanzi ari ikintu yiyumvisemo kuva kera nk’impano, ahitamo bukora nk’umwuga. Avuga ko mu muryango we (...)

Umuhanzi Gisa uri kumvikana cyane mu ndirimbo nka “Uruhinja” (yakoranye na Ama-G The Black), “Isubireho”, “Keza”, “Uwo Nahisemo” n’izindi avuga ko umuziki kuri we ari impano yakuye kuri sekuru kuko ntaho yawize.

Gusa avuga ko ubu agenda yongera ubumenyi ku buryo asigaye acuranga gitari neza.

Mu kiganiro kirambuye yagiranye na IGIHE, Gisa w’imyaka 18, ubusanzwe witwa Gisa James avuga ko kuri we ubuhanzi ari ikintu yiyumvisemo kuva kera nk’impano, ahitamo bukora nk’umwuga. Avuga ko mu muryango we ajya abwirwa ko sekuru we nawe yari umuririmbyi uhambaye mu Kiliziya.

Yagize ati “Nari mfite sogokuru akiriho yaririmbaga mu Kiliziya. Nabibwiwe nk’amateka, nabyisanzemo gutyo ayo mateka nayahawe na papa ambwira ko papa we yari umuntu uririmba mu Kiliziya cyane.”

Gisa avuga ko ababyeyi be baza ku isonga mu bamushyigikiye mu buhanzi bwe. Mu bamufasha, avuga ko abatunganya indirimbo barimo Producer Piano wo muri Bridge Records n’abandi bahanzi bagenzi be bamubwira ko ari umuhanga, bikamutera imbaraga zo gukora.

Yagize ati “abantu benshi nagiye mvugana nabo bashima impano yanjye, bakambwira bati ‘muhungu wacu komereza aho, komereza aho’, kandi rimwe na rimwe tuba tunitinya.”

Gisa yiga mu mwaka wa gatandatu mu mashuri yisumbuye mu Ruhango.

Azwiho kuba akunda gufasha itsinda TBB mu miririmbire, ndetse akenshi akanumvikana mu ndirimbo zabo nyinshi.

Atangira ubuhanzi yakunzwe kujya yitwa n’inshuti ze izina rya Young James. Gusa we atangiye ubuhanzi yaje guhitamo gukoresha izina rya Gisa.

Kanda HANO wumve ikiganiro kirambuye Gisa yagiranye na IGIHE:



KANDA HANO USHOBORE KUMVA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza