Yari yiyise izina ry’ubustar rya ‘CED G’ ngo iwabo batazavumbura ko ari umuhanzi

Yanditswe na Olivier Muhirwa
Kuya 25 Kamena 2012 saa 12:04
Yasuwe :
0 0

Umuhanzi Gitego Nsanga Cedric, yari yarahisemo kwiyita izina ry’ubuhanzi ry’ubustar rya CED G (biva kuri Cedric Gitego) ngo iwabo batazavumbura ko ari umuhanzi, kuko yatinyaga ko babimenya bakaba babimubuza kuko yahisemo kuririmba arapa.
Uyu muhanzi avuga ariko ko yaje kuza kurihindura akitwa amazina ye asanzwe ya “Gitego Nsanga” nyuma y’aho iwabo bamenyeye ko ari umuhanzi, ariko ntibagire icyo bamutwara nk’uko yabikekaga.
Mu kiganiro na IGIHE, uyu muhanzi ubusanzwe uba mu Buhinde kubw’impamvu (...)

Umuhanzi Gitego Nsanga Cedric, yari yarahisemo kwiyita izina ry’ubuhanzi ry’ubustar rya CED G (biva kuri Cedric Gitego) ngo iwabo batazavumbura ko ari umuhanzi, kuko yatinyaga ko babimenya bakaba babimubuza kuko yahisemo kuririmba arapa.

Uyu muhanzi avuga ariko ko yaje kuza kurihindura akitwa amazina ye asanzwe ya “Gitego Nsanga” nyuma y’aho iwabo bamenyeye ko ari umuhanzi, ariko ntibagire icyo bamutwara nk’uko yabikekaga.

Mu kiganiro na IGIHE, uyu muhanzi ubusanzwe uba mu Buhinde kubw’impamvu z’amasomo, avuga ko ababyeyi be bamaze kumenya ko ari umuhanzi kandi ko bamushyigikira mu njyana ya Hip-Hop yahisemo gukoresha.

Avuga ko nawe ari kurushaho gutera imbere mu buhanzi bwe, ku buryo ubu ari guteganya gushyira ahagaragara Album ye ya mbere muri uyu mwaka wa 2012.

Yagize ati:”Mu rugo baramfasha ubu ngubu nta kibazo. Kandi ndi gukora cyane ku buryo ubu ndi gukora indirimbo nyishi zirimo izo nzaririmbana n’abandi bahanzi. Ndateganya no gushyira hanze Album ya mbere Imana niba intije ubuzima.”

Uyu muhanzi ubu uri mu Rwanda mu biruhuko, aheruka gukora indirimbo nshya muri Bridge Records. Iyo ndirimbo yise ’Nyurwa’ yayikorananye na Vicson, murumunna wa Naason. Ikazaba iri kuri Album ye nshya izaba iherekejwe n’igitabo gisobanura izi ndirimbo ze n’ubuhamya bw’abafana be ndetse n’uko yari yatangiye ubuhanzi ku izina rya CED G.

Nyinshi mu ndirimbo zizaba ziri kuri Album ya Gitego Nsanga zizaba zarakowe mu Buhinde ndetse no mu Rwanda, hamwe n’izo azakorera muri ibyo bihugu bitandukanye bya Afurika azagenda acamo nk’umuhanzi.

Uyu muhanzi w’imyaka 22 yaririmbye indirimbo nka ‘Inzara’, ‘Urumamo’ yakoranye na Emmy, ‘Urupfu’, ‘Nta Mahirwe’ n’izindi. Izi zose zizagaragara kuri Album ye ya mbere ateganya gusohora nyuma yo guhindura amazina y’ubuhanzi.



KANDA HANO USHOBORE KUMVA
  Nyurwa by Gitego Ft Vicson

Kwamamaza

Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza