Yari yiyise izina ry’ubustar rya ‘CED G’ ngo iwabo batazavumbura ko ari umuhanzi

Yari yiyise izina ry’ubustar rya ‘CED G’ ngo iwabo batazavumbura ko ari umuhanzi


Yanditswe kuya 14-06-2012 - Saa 12:41' na Richard IRAKOZE

Umuhanzi Gitego Nsanga Cedric, yari yarahisemo kwiyita izina ry’ubuhanzi ry’ubustar rya CED G (biva kuri Cedric Gitego) ngo iwabo batazavumbura ko ari umuhanzi kuko yatinyaga ko babimenya bakaba babimubuza kukio yahisemo kuririmba arapa.

Uyu muhanzi avuga ariko ko yaje kuza kurihindura akitwa amazina ye asanzwe ya “Gitego Nsanga” nyuma y’aho iwabo bamenyeye ko ari umuhanzi, ariko ntibagire icyo bamutwara nk’uko yabikekaga.

Mu kiganiro na IGIHE, uyu muhanzi ubusanzwe uba mu Buhinde kubw’impamvu z’amasomo, avuga ko ababyeyi be bamaze kumenya ko ari umuhanzi kandi ko bamushyigikira mu njyana ya Hip-Hop yahisemo gukoresha.

Avuga ko nawe ari kurushaho gutera imbere mu buhanzi bwe ku buryo ubu ari guteganya gushyira ahagaragara Album ye ya mbere muri uyu mwaka wa 2012.

Yagize ati:”Mu rugo baramfasha ubu ngubu nta kibazo. Kandi ndi gukora cyane ku buryo ubu ndi gukora indirimbo nyishi zirimo izo nzaririmbana n’abandi bahanzi. Ndateganya no gushyira hanze Album ya mbere Imana niba intije ubuzima.”

Uy muhanzi uteganya kuza mu Rwanda mu gihe cya vuba ubu ari mu gihugu cya Afurika y’Epfo aho yagiye gusura abavandimwe n’inshuti, avuye mu Buhinde. Gusa avuga ko ateganya kuzakorerayo ibindi bikorwa bye by’ubuhanzi no mu bindi bihugu ateganya gucamo nka Uganda n’u Burundi aho azanyura muri gahuda zitandukanye zirimo n’iz’ubuhanzi.

Nyinshi mu ndirimbo zizaba ziri kuri Album ya Gitego Nsanga zizaba zarakowe mu Buhinde ndetse no mu Rwanda, hamwe n’izo azakorera muri ibyo bihugu bitandukanye bya Afurika azagenda acamo nk’umuhanzi.

Uyu muhanzi w’imyaka 22 yaririmbye indirimbo nka ‘Inzara’, ‘Urumamo’ yakoranye na Emmy, ‘Urupfu’, ‘Nta Mahirwe’ n’izindi. Izi zose zizagaragara kuri Album ye ya mbere ateganya gusohora nyuma yo guhindura amazina y’ubuhanzi.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO