Ese Bull Dogg, Green P, Pacson, Fireman, Kamichi, Ama-G na Senderi baryamana n’umukobwa umwe nk’uko Jay-c abivuga?

Yanditswe na Dean Irak
Kuya 2 Ukwakira 2013 saa 09:22
Yasuwe :
0 0

Abahanzi bakomeje kwibasira abakobwa babeshya ko ari amasugi, ariko Jay-C we yaje akoresha amagambo akarishye anifashisha amazina y’abahanzi bagenzi be, kugira ngo atambutse ubutumwa ku buryo bworoshye, nk’uko yabibwiye IGIHE.
Indirimbo "Isugi" ya Jay C na Bull Dogg ije ikurikira iya Kamichi yitwa “Barandahiye” zose zikoma abakobwa bakunda kubeshya abasore bakundana ko ari amasugi nyamara hazwi abasore bemeza ko baryamanye nabo.
Muri iyi ndirimbo yumvikanamo ijwi rya Da Queen, Jay C arapa (...)

Abahanzi bakomeje kwibasira abakobwa babeshya ko ari amasugi, ariko Jay-C we yaje akoresha amagambo akarishye anifashisha amazina y’abahanzi bagenzi be, kugira ngo atambutse ubutumwa ku buryo bworoshye, nk’uko yabibwiye IGIHE.

Indirimbo "Isugi" ya Jay C na Bull Dogg ije ikurikira iya Kamichi yitwa “Barandahiye” zose zikoma abakobwa bakunda kubeshya abasore bakundana ko ari amasugi nyamara hazwi abasore bemeza ko baryamanye nabo.

Umuraperi Ambassadeur Jay-C

Muri iyi ndirimbo yumvikanamo ijwi rya Da Queen, Jay C arapa akomoza ku ngingo y’uko muri Kigali hari abakobwa benshi bakunda kuryamana n’abahanzi (abastar) nyamara bagahora barata ko ari amasugi.

Gusa mu kubara iby’iyi nkuru, Jay-C yifashishije amwe mu mazina y’abahanzi bazwi cyane mu Rwanda, aho agira ati ”Hashize igihe ngusaba akabariro, gusa wafunze icwanga [waranze], rega ndakuyoka [ndakuzi] benshi mu maniga [nshuti zanjye] agufuragira [musambana] tutaramenyana...umukobwa arakwima [yanga ko muryamana] wamugeza mu mago [wamushaka] ugasanga ni agakecuru [ari inararibonye mu gukora imibonano] mu bukuru ugasanga aruta nyina…”

Yongeraho ati “Iyi si avance [kuryamana n’umukunzi mbere ye kubana] kuko sinjye wa mbere, aka ni agateste [igerageza] kugira ngo nkwizere erega nta wahisha kuwo ahishaho. Naho rero iyawe nayo nayibonye; kuwa mbere 2G [Bull Dogg], kuwa kabiri Green P, kuwa Gatatu Pacson, nimugoroba Fireman, kuwa Kane Kamichi, kuwa Gatanu Ama-G, kuwa Gatandatu Senderi ariko ngo uri isugi hehehheee, reka!”.

Jay-C avuga ko aba bahanzi yabaririmbye atabamenyesheje ariko kuri we yumva nta kibazo kibirimo.

Yagize ati “Kuba narashyizemo bariya bahanzi ntaranababwiye numva nta kibazo biteye kuko ni ukugira ngo indirimbo irusheho kumenyekana, inatambutse ubutumwa bwumvikane vuba, iyo umuntu abumvise ahita yumva ko bimureba”.

Yongeraho ati “Ariko ibibavugwaho muri iyi ndirimbo ntabwo ari ukuri”.

Kamichi, nk’umwe mu baririmbwe muri iyi ndirimbo we yavuze ko ibyo bamuririmbyeho atari byo, avuga ariko ko bitewe n’uko yifuza ko Jay-C yatera imbere yirengagiza ibyamuririmbweho n’ubwo avuga ko atabishimye bwose.

Yagize ati “Indirimbo narayumvise, icyo nabivugaho ni uko Jay-C ari umuraperi kandi abaraperi bavuga ibintu batekerezaga, ntabwo nashakaga ko andirimba gutyo ariko ni inshuti yanjye ntabwo namubuza kwikorera ariko sinashakaga ko amvuga muri buriya buryo ariko niba hari icyo bimugezaho ni umuhanzi nifuza ko atera imbere”.

Yongeraho ati “ariko ibyo yamvuzeho sibyo kuko nanjye ubwanjye ndi imanzi [umusore utararyamana n’umukobwa na rimwe]”.

Iyi ndirimbo bitewe n’ubutumwa bukubiyemo hari amaradiyo amwe yanze kuyikina nyamara nyirayo Jay C avuga ko nta kibazo bimuteye.

Abahanzi bakunze gukoresha amazina cyangwa se imvugo zikarishye zituma indirimbo zabo zirushaho kuvugwa cyane. Jay-C we ibi arabimenyereye kuko n’indirimbo ye iheruka “Sentiment” nayo yavugishije abantu amagambo yangirwa no gucuranga kuri amwe mu maradiyo n’ubwo bitayibujije kumenyekana cyane no gukundwa mu Rwanda.

Mu minsi ishize Ama-G nawe yaririmbye asa n’uwikoma abaraperi bagenzi be, bituma indirimbo ivugwaho cyane.

Isugi ya Jay-C, Bull Dogg na Da Queen:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza