Jay C yashyize hanze amashusho y’indirimbo ‘Kizigenza’

Yanditswe na Munyengabe Murungi Sabin
Kuya 23 Nyakanga 2014 saa 02:55
Yasuwe :
0 0

Jay C uherutse gushyira hanze indirimbo yise Shitani i Kigali ndetse igakundwa cyane, kuri ubu yamaze gutunganya amashusho y’indirimbo ye ‘Kizigenza’ akaba ahamya ko ari na we kizigenza muri Hip Hop yo mu Rwanda.
Mu kiganiro yagiranye na IGIHE, Jay C yasobanuye ko yamaze guhindura uburyo yakoragamo umuziki we dore ko mu minsi yashize yibandaga cyane ku butumwa bw’ubuzima bwo ku muhanda none asigaye aririmba ibijyanye n’ibyo Abanyarwanda babamo umunsi ku munsi. Jay C ati, “Bitandukanye cyane (...)

Jay C uherutse gushyira hanze indirimbo yise Shitani i Kigali ndetse igakundwa cyane, kuri ubu yamaze gutunganya amashusho y’indirimbo ye ‘Kizigenza’ akaba ahamya ko ari na we kizigenza muri Hip Hop yo mu Rwanda.

Mu kiganiro yagiranye na IGIHE, Jay C yasobanuye ko yamaze guhindura uburyo yakoragamo umuziki we dore ko mu minsi yashize yibandaga cyane ku butumwa bw’ubuzima bwo ku muhanda none asigaye aririmba ibijyanye n’ibyo Abanyarwanda babamo umunsi ku munsi.

Jay C ati, “Bitandukanye cyane n’uburyo wenda nakoragamo umuziki mu minsi yashize aho nibandaga ku butumwa buvuga ku bana bo mu muhanda, ku buzima bubi abantu babamo n’ibindi. Ubu narahinduye nsigaye ndirimba ubutumwa buvuga ku buzima busanzwe abanyarwanda tubamo, ubutinganyi, ubugome bukorerwa ikiremwamuntu n’ibindi.”

Uyu muraperi kandi, yemeza ko ari we kizigenza mu njyana ya Hip Hop nk’uko iyi ndirimbo ye ibivuga.

Ati, “Si ukwiyemera, hano mu Rwanda hari abaraperi bakomeye ndetse bari imbere yanjye mu bijyanye no kugira amafaranga menshi no gukundwa, ariko bigeze mu gukora injyana ya Hip Hop ndi kizigenza . Ndashoboye kandi ngombwa gukomeza kubiharanira. Muri iyi ndirimbo nashyize hanze nise Kizigenza ni nacyo nashakaga kuvuga nshishikariza abantu bose, waba ucuruza, waba uri umufundi, icyo waba ukora cyose menya ko gukora cyane bizakugeza kuri byinshi ukaba kizigenza mu mwuga wawe.”

REBA IYI NDIRIMBO HANO:

Nyuma yo gushyira hanze amashusho y’iyi ndirimbo ye Kizigenza, Jay C arizeza abafana be ko agiye gushyira ingufu cyane mu gukora amashusho. Mu mezi make ari imbere, uyu muraperi arateganya kuzashyira hanze izindi ndirimbo eshatu zifite amashusho.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza