Kwamamaza

Jody agiye gutaramira abafana be i Kigali

Yanditswe kuya 25-11-2016 saa 13:40' na Tombola Felicie


Umuhanzi Muyoboke Phibi [Jody] ,uririmba mu njyana ya Pop/RnB ivanze na Dancehall, azataramira abafana be ku Cyumweru tariki ya 27 Ugushyingo 2016 mu kabyiniro ka H-Zone i Gikondo.

Jody azwi cyane mu ndirimbo ‘Nyambika impeta’, ’Narakwiyeguriye’,‘Twishimane’, ‘Karimo’ n’izindi zikunzwe muri iki gihe nka ‘Madina’ na ‘Birandenga’. Mu minsi yashize yakoraga umuziki muri Uganda gusa ubu yagarutse cyane mu Rwanda.

Yatumiwe na MIG itsinda rihuza abafana n’abahanzi mu bitaramo biba mu mpera za buri cyumweru mu kabyiniro kitwa H-Zone gakunzwe cyane muri iki gihe.

Mu kiganiro na IGIHE, Umuyobozi wa MIG Ltd Hitimana David, yatangaje ko kwinjira muri iki gitaramo ari ubuntu mu buryo bwo korohereza abakunda uyu muhanzi gutaramana nawe bakiyumvira ijwi rye ryiza

Yagize ati “Jody abantu bamukundira ijwi rye ryiza kuba rero kwinjira bizaba ari ubuntu ndumva abamukunda bose bazaza kwihera ijisho bagataramana na we.”

Si Jody gusa kuko hazaba hari n’aba DJ bazwiho ubuhanga mu kuvanga imiziki nka DJ Pius na DJ Ira umukobwa mushya mu bari kwigaragaza neza mu muri uyu mwuga.

Iki gitaramo kizaba ku Cyumweru tariki ya 27 Ugushyingo 2016 kizatangira saa mbili z’umugoroba muri H-Zone hafi ya Dos d’âne kwa Mironko.

Birandenga, Video Jody aherutse gusohora


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved