Jody, GNL na Ray Signature mu gukangurira urubyiruko mu karere gukoresha agakingirizo

Yanditswe na

Kalinda Brendah

Kuya 18 Nzeri 2014 saa 08:24
Yasuwe :
0 0

Jody amaze iminsi muri Uganda arangiza imishinga y’indirimbo ndetse by’umwihariko akaba yarakoze igitaramo kigamije kwigisha urubyiruko ibijyanye n’imyororokerere afatanyije n’abahanzi bagenzi be bahuriye mu mushinga Reach Ahand Uganda(RAHU).
Mu cyumweru gishize Jody afatanyije na GNL Zamba, Ray Sgnature n’abandi bahuriye muri uyu mushinga bamuritse amashusho y’indirimbo yabo ‘Kaleke Kasome’, hari hateguwe ikiganiro hagati y’urubyiruko n’inzobere mu myororokere. Aba bahanzi bataramiye urubyiruko (...)

Jody amaze iminsi muri Uganda arangiza imishinga y’indirimbo ndetse by’umwihariko akaba yarakoze igitaramo kigamije kwigisha urubyiruko ibijyanye n’imyororokerere afatanyije n’abahanzi bagenzi be bahuriye mu mushinga Reach Ahand Uganda(RAHU).

Mu cyumweru gishize Jody afatanyije na GNL Zamba, Ray Sgnature n’abandi bahuriye muri uyu mushinga bamuritse amashusho y’indirimbo yabo ‘Kaleke Kasome’, hari hateguwe ikiganiro hagati y’urubyiruko n’inzobere mu myororokere.

Aba bahanzi bataramiye urubyiruko banarukangurira kugira umuco wo kwifata no kwirinda ibishuko. Bunguranye ibitekerezo ku bibazo bitandukanye urubyiruko ruhura nabyo harimo kwirinda ibiyobyabwenge,gutwara inda z’indaro n’ibindi.

Jody yabwiye IGIHE ko afatanyije na GNL Zamba ndetse na Ray Signature bakoze indi ndirimbo yitwa ‘If it’s not on it’s not safe’ . Iyi ndirimbo irimo ubutumwa bwigisha abatuye muri Afurika y’Uburasirazuba by’umwihariko urubyiruko kwirinda gukora imibonano mpuzabitsina idakingiye.

Iyi ndirimbo kimwe na Kaleke kasome, ni zimwe mu zigize album uyu munyarwandakazi ari gukorana n’aba bagenzi be bo muri Uganda. Nyinshi mu zigize iyi album, zifite ubutumwa bukangurira urubyiruko kwirinda icyorezo cya SIDA, gutwara inda zitateganyijwe no guharanira uburenganzira bwabo ari nawo mugambi uyu mushinga RAHU ufite mu karere.

Kuba RAHU ishingiye muri Uganda ngo bifasha Jody kumenyakanisha ibikorwa bye muri iki gihugu no mu karere dore ko yagiye aganira n’ibitangazamakuru bikomeye nka NTV Uganda n’ibindi.

UMVA IYI NDIRIMBO HANO

Jody ari na we Ambasaderi wa Reach Ahand Uganda(RAHU) mu Rwanda yavuye muri Uganda ahita ashyira hanze indirimbo ye nshya yise ‘Karimo yakozwe na Pastor P muri Beyond Records.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza