Jody ntakundana na Auddy Kelly; ibyavuzwe byari ibihuha

Yanditswe na

Richard Irakoze

Kuya 16 Kanama 2013 saa 05:07
Yasuwe :
0 0

Mu gihe bategura gukora igitaramo cyo kumurika amashusho y’indirimbo "Sinzagutererana", ari naho bazanyomoreza amakuru amaze igihe avugwa henshi ko bakundana nyamara atari byo, IGIHE twabashije kumenya imvaho yabyo.
N’ubwo hari hashize igihe havugwa cyane ko abahanzi Jody Phibi na Auddy Kelly bakundana, Jody yivugira ubwe ko nta muntu n’umwe yigeze abwira ko akundana na Auddy Kelly habe no mu itangazamakuru. Jody yagize ati “Nta muntu nigeze mbwira ngo Auddy ni umukunzi wanjye. ”.
Tumubajije (...)

Mu gihe bategura gukora igitaramo cyo kumurika amashusho y’indirimbo "Sinzagutererana", ari naho bazanyomoreza amakuru amaze igihe avugwa henshi ko bakundana nyamara atari byo, IGIHE twabashije kumenya imvaho yabyo.

N’ubwo hari hashize igihe havugwa cyane ko abahanzi Jody Phibi na Auddy Kelly bakundana, Jody yivugira ubwe ko nta muntu n’umwe yigeze abwira ko akundana na Auddy Kelly habe no mu itangazamakuru. Jody yagize ati “Nta muntu nigeze mbwira ngo Auddy ni umukunzi wanjye. ”.

Auddy na Jody

Tumubajije impamvu yakunze kugaragaza ifoto ya Auddy kuri facebook ye, Jody yavuze ko ibyo ntaho bihuriye no gukundana, ahubwo ko ari uko bakoranye indirimbo "Sinzagutererana" bigatuma batangira guhinduranya amafoto kuri facebook mu rwego rwo kumenyekanisha iyo ndirimbo.

Yongeyeho kandi ati “Twifotoje ifoto turi kumwe, nyuma indirimbo isohotse tuba ari yo dutangira gukoresha mu kwamamaza iyo ndirimbo, kandi tujya tunayiririmbana ahantu hatandukanye abantu bakatubona hamwe bakadufotora”.

Jody yavuze ko uretse kuba yariganye na Auddy banasanzwe ari inshuti, ariko bisanzwe. Aha yasobanuye ko basanzwe bahurira mu bikorwa byinshi bitandukanye.

Yagize ati “Dufitanye umushinga turi gukorana witwa ‘Ihorere Project’ uyoborwa na Nelly Asanase. Uwo mushinga ugizwe n’itsinda ry’abahanzi benshi barimo Auddy nyine, Ricky Password, Eric Mucyo, Koudou, Babou, Nanjye, Jackson Kalimba na Jolis Peace”.

Yongeraho ati “Ni ibintu byinshi biduhuza, ariko byavuzwe mbere y’iyi mishinga ko dukundana. Turaririmbana kenshi mu bitaramo ariko ntawe ndabwira ngo Auddy ni umukunzi wanjye nabyo nibizamo ubwo bizagira igihe cyabyo ariko ubu nta bundi bucuti dufitanye ni umuziki uduhuza”.

Jody yabwiye IGIHE ati "Ni ibintu byinshi biduhuza. Turaririmbana kenshi mu bitaramo ariko ntawe ndabwira ngo Auddy ni umukunzi wanjye nabyo nibizamo ubwo bizagira igihe cyabyo ariko ubu nta bundi bucuti dufitanye ni umuziki uduhuza"

Jody yanaboneyeho umwanya abwira IGIHE ko mu minsi ya vuba azashyira hanze amashusho y’indirimbo ye “Ndacyashidikanya”, yamenyekanye cyane.

Kuri uyu wa Gatandatu Jody azagaragara mu gitaramo cya Koudou kuri Hotel Umubano, aho azaririmba ku buryo bwa LIVE.

Tariki ya 21 Kanama, Jody na Auddy bazaba bari kumwe mu gitaramo cyo kumurika amashusho y’indirimbo “Sinzagutererana” baririmbanye. Muri icyo gitaramo kizabera kuri SFB bazasobanura birambuye ku byakunze kuvugwa ko bakundana, aha naho tukazabamenyesha ibyo bazatangarizayo.

Jody, umwe mu bakobwa bazwiho ijwi ryiza hano mu Rwanda

Muri Mata uyu mwaka, muri iyi nkuru, Auddy Kelly yari yaratangarije IGIHE ati "Icyo kibazo maze iminsi nkibazwa n’abantu benshi batandukanye, ariko ndumva kuba dukundana nta kibazo abantu bakabigizeho kuko n’Imana irabidusaba, niyo mpamvu rero urujijo rukwiye kuva mu bantu ubu ndi kumwe na Jody nk’umukunzi wanjye”.

Kuva icyo gihe byari bizwi ko aba bahanzi bakundana nyamara atari byo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza