Buruseri: Kizito yizihije isabukuru y’imyaka 31, ashyira ahagaragara DVD y’ibikorwa bya KMP

Yanditswe na Samuel Ishimwe
Kuya 26 Nyakanga 2012 saa 07:43
Yasuwe :
0 0

Kuri uyu wa gatatu tariki ya 25 Nyakanga 2012 umuhanzi Kizito Mihigo yuzuje imyaka 31 y’amavuko. Ubu uyu muhanzi ubarizwa ku mugabane w’u Burayi muri iyi minsi, aho yagiye gutangiza amashami ya Fondation ye mu bihugu binyuranye, yadutangarije ko iyi sabukuru yahisemo kuyizihiriza mu mujyi wa Buruseli mu gihugu cy’u Bubilgi, nka hamwe mu hantu yabaye igihe kirambuye.
Usibye kwishimana n’inshuti ze zo mu Bubiligi ziri muri Fondation KMP, Kizito Mihigo yatangarije IGIHE ko ari umwanya ukomeye (...)

Kuri uyu wa gatatu tariki ya 25 Nyakanga 2012 umuhanzi Kizito Mihigo yuzuje imyaka 31 y’amavuko. Ubu uyu muhanzi ubarizwa ku mugabane w’u Burayi muri iyi minsi, aho yagiye gutangiza amashami ya Fondation ye mu bihugu binyuranye, yadutangarije ko iyi sabukuru yahisemo kuyizihiriza mu mujyi wa Buruseli mu gihugu cy’u Bubilgi, nka hamwe mu hantu yabaye igihe kirambuye.

Usibye kwishimana n’inshuti ze zo mu Bubiligi ziri muri Fondation KMP, Kizito Mihigo yatangarije IGIHE ko ari umwanya ukomeye kuri we wo gushimira abanyamuryango ba Fondation KMP aho bari hose ariko cyane cyane abo mu Rwanda, kubera uruhare bagize mu isakara ry’ubutumwa atanga. Kizito Mihigo yagize ati: “KMP nibo nshuti zanjye, kandi nyuma y’umuryango mvukamo, nibo bavandimwe ngira.”

DVD nshya y'ibikorwa by'Umuryango Kizito Mihigo Pour la Paix(KMP)

Uyu muhanzi kandi yaboneyeho gushyira ku mugaragaro DVD nshya igaragaza ibikorwa bya Fondation KMP kuva yatangira kugeza mu kwezi kwa kane 2012. Iyi DVD iriho Filimi y’inkuru (Video Documentaire) yitwa “Umusanzu w’Umuhanzi” ifite igihe kirenga isaha, muri yo hakerekanwa uburyo Fondation KMP yavutse ndetse n’ibikorwa yakoze kugeza ubu. Umusanzu w’umuhanzi ni ikiganiro cya Fondation KMP gica kuri Televiziyo y’u Rwanda buri wa kabiri i saa yine z’ijoro (22h00).

ahangaha kizito Mihigo (imbere y'abageni) yari afite imyaka irindwi

Mu gihe iyi DVD itarajya ku isoko, Kizito Mihigo avuga ko abaterankunga ba KMP bo bazajya bayibonera ubuntu ku cyicaro cy’iyo foundation, ndetse mu ndimi zitandukanye. Igice kimwe cy’iyo DVD kiragaragara ku rubuga rwa Fondation KMP (www.kmp.rw), ndetse no kuri Youtube.

Reba umusogongero w’iyi DVD:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza